“ბუნებრივ აირზე მაღალი ფასები აიძულებს ევროპულ კომპანიებს, გადაიტანონ წარმოება აშშ-ში” – The Wall Street Journal-ის აღნიშნული ციტატა 2022 წლის 21 სექტემბრით თარიღდება. ამის შესახებ ანალიტიკოსმა, დემურ გიორხელიძემ გაცილებით ადრე გააჟღერა საკუთარი პოზიცია, რომელიც ზემოხსენებული ციტატის ანალოგია. “თბილისი თაიმსს” დემურ გიორხელიძე ესაუბრა.
“ამასთან დაკავშირებით მე ჯერ კიდევ თვეების წინ დავწერე, როდესაც მივხვდი, რაში მდგომარეობდა პროცესი. კონფლიქტის ფონზე, იკვეთებოდა ევროკავშირის ირგვლივ არსებული ვითარება – ერთერთი მთავარი მიზანი ევროკავშირის შესუსტება გახლდათ, რადგან ანგლო-საქსური ელიტისთვის ეს არის ის სივრცე, რომელიც მათ სრული კონტროლის ქვეშ უნდა ჰქონდეთ.
დღეს უკვე ევროპიდან უამრავი ქარხანა გადის და ეს პროცესი აღიარებულია. მე ეს დავინახე გაცილებით ადრე. არ ვარ ის ადამიანი, ვინმეს ნააზრევს რომ ავრცელებდეს. თუ რაიმეს ვწერ, წყაროსაც ვუთითებ. ასე რომ, ეს იყო ჩემი ანალიზის შედეგი. დღეს ეს უკვე სახეზეა. ეს გახლავთ გლობალური დეინდუსტრიალიზაცია ევროპისა. ევროპა ისეთი, როგორიც აქამდე იყო (უკანასკნელი 50 წლის განმავლობაში), ვეღარასდროს იქნება”, – განაცხადა დემურ გიორხელიძემ.
