მაშინ, როდესაც საქმე ძალიან მცირე ასაკის ბავშვის კვებას ეხება, მშობლები განსაკუთრებული ყურადღებით არჩევენ საკვებს და ცდილობენ, საკუთარ პატარებს მაქსიმალურად სასარგებლო პროდუქტი შესთავაზონ. BLW Bakery სწორედაც რომ ამ მიმართულებით უწყობს ხელს დედიკოებსა და მამიკოებს. ის მათ სთავაზობს უშაქრო მაფინებსა და ბლინებს ბავშვებისთვის, რომლებიც 6 თვიდან თვითკვების მეთოდით იკვებებიან. დეტალურად, “თბილისი თაიმსს” ანი ნაცვლიშვილი ესაუბრა.
მას მერე, რაც ჩემმა შვილმა მყარი კვება დაიწყო, უამრავი იდეა მომდიოდა, ერთ-ერთია მაფინები და ბლინები, ევა ახლა 10 თვისაა, გამოდის – რომ 4 თვეა, ვსაქმიანობ ამ მიმართულებით. ევა 6 თვიდან BLW, ანუ თვითკვების მეთოდს მისდევს. ცოტა ხანში მობეზრდა უბრალოდ დაჭრილი ხილი ან ბოსტნეული და გადავწყვიტე, სხვანაირად შემეთავაზებინა. პირველად ჭარხლის მაფინები გავასინჯე და ძალიან მოეწონა.
კონკრეტულად, რას ამზადებთ?
ვაცხობ მაფინებსა და ბლინებს უშაქროდ მათთვის, ვინც 6 თვიდან BLW, ანუ თვითკვების მეთოდით დაიწყო მყარი კვება. მასში შემავალი თითოეული ინგრედიენტი უმაღლესი ხარისხისაა და, რაც მთავარია, დაშვებულია 6 თვიდან. დედებს და მამებს შეუძლიათ, ხანდახან თავს უფლება მისცენ და ის დრო, რაც სამზარეულოში ყოფნისას დაეხარჯებოდათ, მოახმარონ საკუთარ თავს, სამაგიეროდ – მათი შვილის კვებაზე – იქნება ეს საუზმე, თუ სადილი, იზრუნებს BLW Bakery.
პროდუქტების შესახებ ინფორმაცია აღებულია Solid Starts ოფიციალური საიტიდან, რომელიც ყველასათვის ხელმისაწვდომია
რა მახასიათებლები გამოარჩევს თქვენს პროდუქტს?
ამაყად ვიტყვი – ჩემი პროდუქტი ნამდვილად გამორჩეულია იმით, რომ წლამდე და ორ წლამდე ბავშვებსაც შეუძლიათ, მიირთვან. ორ წლამდეო – შეიძლება, გაგიკვირდეთ, თუმცა, ეს სრულიად შესაძლებელია. როგორც მაღლა აღვნიშნე, ასევე, სათაურიდან გამომდინარე, ეს პროდუქტი ძირითადად განკუთვნილია იმ ბავშვებისათვის, რომლებიც თვითკვების მეთოდით იკვებება. გარდა ამისა, მოგეხსენებათ, რომ შაქარი ორ წლამდე არაა რეკომენდებული, ამიტომ, მე მაქსიმალურად ვცდილობ, ისეთი გემოები შევქმნა, რომ ბავშვებმა სიამოვმებით ჭამონ. აქვე დავამატებ, რომ გვაქვს მიტანის სერვისი, რაც ძალიან კომფორტულია ყველასათვის.
რა უახლოესი გეგმები გაქვთ?
ახლო მომავალში ძალიან მაგარ სიახლეს ვგეგმავ, რომელსაც ზუსტად 21 დეკემბერს გავაჟღერებ (ჩემი შვილის, ევას დაბადების დღეზე). დარწმუნებული ვარ, ეს ძალიან ბევრ მშობელს მოეწონება. დიდი ხანია – თვალს ვადევნებ ქართულ ბაზარს ამ კუთხით და, მგონი, ასეთი რამ საქართველოში არავის არ აქვს გაკეთებული
