გუშინ ღამე ქუთაისში, ავტოსაგზაო შემთხვევის შედეგად 3 ადამიანი დაიღუპა. როგორც ცნობილია, ავტოქარხნის დასახლებაში საპირისპიროდ მოძრავი ორი ავტომობილი ერთმანეთს შეეჯახა.
“მეგა ტვ”-ის ცნობით, დაღუპულები არიან თაიზა ბობოხიძე და დოდო ცეცხლაძე. როგორც ცნობილია ქალები თანამშრომლები იყვნენ.
ადგილზე მობილიზებული იყო, საპატრულო, სასწრაფო და სამაშველო სამსახურის ბრიგადები.
გამოძიება სსკ-ის 276 მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
