უზენაესი სასამართლოს წევრობის კანდიდატად წარდგენილ ანა დოლიძეს მოუსმენენ დღეს იურიდიულ საკითხთა კომიტეტში.
ამ თანამდებობაზე მისი კანდიდატურა მისაღებია უმრავლესობისთვის. დოლიძეს მხარს არ უჭერს ნაციონალური მოძრაობა. მიზეზად კი 2008 წლის რუსეთ-საქართველოს ომის შემდგომ ერთ-ერთ რუსულ ორგანიზაციასთან სამართლებრივ საკითხებზე მისი თანამშრომლობა სახელდება.
თავად ანა დოლიძე მზად არის დეპუტატების ყველა შეკითხვას უპასუხოს. მისი თქმით დამტკიცების შემთხვევაში ყველაფერს გააკეთებს ხელი შეუწყოს მოსახლეობაში სასამართლოს ნდობის აღდგენას.
ანა დოლიძე ამ დრომდე თავდაცვის მინისტრის მოადგილეა. იგი უზენაესი სასამართლოს წევრობის კანდიდატად პრეზიდენტმა წარადგინა. დოლიძე ასევე არის ადამიანის უფლებათა ევროპული სასამართლოს მოსამართლეობის ხუთ კანდიდატს შორისაც.
