ისრაელი „ჰამასის“ შეჭრას სულ მცირე 40 ბავშვი ემსხვერპლა, მათ შორის არიან ჩვილებიც, – ამის შესახებ ისრაელის თავდაცვის ძალები იტყობინება.
როგორც უცხოური მედია წერს, ტერორისტების თავდასხმების შემდეგ ჯარისკაცებს შემზარავი სცენები დახვდათ. რამდენიმე სამხედრო ყვება, რომ მათ აღმოაჩინეს თავმოკვეთილი ჩვილები და ოჯახები, რომლებიც საწოლებში დახვრიტეს.
სარაკეტო დარტყმა ისრაელზე 7 ოქტომბერს, ადგილობრივი დროით 06:30 საათზე განხორციელდა. მომხდარზე პასუხისმგებლობა „ჰამასმა“ აიღო და ისრაელის წინააღმდეგ ახალი სამხედრო ოპერაციის დაწყების შესახებ განაცხადა. ამის შემდეგ ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადა და ღაზას სექტორში „ჰამასის“ ობიექტებზე იერიში დაიწყო.
