„დაღუპულები სკოლის მოსწავლეები არიან…“ – თერჯოლაში მომხდარი ტრაგედიის დეტალები

თერჯოლაში, მდინარე ძუსაში 4 ადამიანი დაიხრჩო.

დაღუპულია მამა-შვილი და კიდევ ორი გოგონა.

თერჯოლის მერი განცხადებით, ბავშვები ჭიათურის პირველი სკოლის მე-12 კლასის მოსწავლეები არიან.

„დაღუპულია გოგონა, მამა და მათი 2 თანაკლასელი. ბავშვები ჭიათურის პირველი სკოლის მე-12 კლასის მოსწავლეები არიან…“, – ამბობს თერჯოლის მერი.

ტრაგედია იმ დროს დატრიალდა, როდესაც ერთ-ერთ ახალგაზრდას ფეხი დაუცდა და მდინარეში გადავარდა. მის თანმხლები პირებიდან 4  საშველად მდინარეში გადახტა. მათგან მაშველებმა მხოლოდ ერთის გადარჩენა შეძლეს  ის ამ დროისთვის კლინიკაშია გადაყვანილი და მის სიცოცხლეს საფრთხე არ ემუქრება.