„სიცოცხლით სავსე, შენი სიფერადე და ხალისი როგორ უნდა ჩაქრეს ნათი…“ – ტრაგიკულად დაღუპულ გოგოს ემშვიდობებიან

მცხეთის მუნიციპალიტეტში ავტოსაგზაო შემთხვევას ორი ადამიანი ემსხვერპლა, სამი კი დაშავდა.

ერთ-ერთი გარდაცვლილი „ქართული სპორტის ქომაგების“ წევრი ნათია კვინტრაძეა.

შემთხვევა გუშინ მოხდა. არსებული ინფორმაციით, ავტომობილი გზის სავალი ნაწილიდან გადავიდა და თხრილში ჩავარდა.

მომხდარზე გამოძიება საქართველოს სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

ტრაგიკულად დაღუპულ გოგოს სოციალურ ქსელში ემშვიდობებიან:

„შენი სიფერადე და ხალისი როგორ უნდა ჩაქრეს…“;

„სიტყვებს ვერ ვპოულობ რა უნდა ვთქვა არ ვიცი ძალიან მიყვარდი და მეყვარები ნათი“;

„როგორ შეიძლება ეს მომხდარიყო…  ზაფხულის მიწურულს რა ბედნიერი დაფარფატებდა“;

რა სამწუხარო და დაუჯერებელი ამბავია, ნათია. სიცოცხლით სავსე, მხიარული, პოზიტიური გოგოო, ძალიან მენანები სიკვდილისთვის“