ლეგენდარული ქართველი კალათბურთელი ზაზა ფაჩულია საქართველოს საფეხბურთო ნაკრებს ევროპის ჩემპიონატზე გასვლას ულოცავს.
„ისტორიული დღეა – მადლობა ბიჭებს თავდადებული ბრძოლისთვის და ამ წუთებისთვის, რომელიც მთელ ქვეყანას აჩუქეს“, – განაცხადა ზაზა ფაჩულიამ.
საქართველოს ნაკრებმა პენალტების სერიაში საბერძნეთის ნაკრები დაამარცხა და პირველად ისტორიაში ევროპის ჩემპიონატზე გავიდა.
