შონ დიდი ქომბსის, იგივე puff Daddy-ის გარშემო ატეხილმა სკანდალმა მთელი ჰოლივუდი მოიცვა. ამერიკელ რეპერს სექსუალურ ძალადობაში, რეკეტების მოწყობასა და პროსტიტუციაში ქალების იძულებით ჩართვაში ადანაშაულებენ.
საერთაშორისო მედიაში ვრცელდება იმ ვარსკვლავების სიაც, რომლებიც პაფ დიდის წვეულებებს ესწრებოდნენ. მათ შორისაა ჯენიფერ ლოპესიც. თუმცა, სიის ნამდვილობა ოფიციალურ წყაროებს არ დაუდასტურებიათ.
ცოტამ თუ იცის, რომ ჯეილო და პაფ დედი ერთმანეთს 1999-2001 წლამდე ხვდებოდნენ.
2014 წელს ერთ-ერთ ინტერვიუში ლოპესმა განაცხადა, რომ „ქომბსისგან ძალიან ბევრი რამ ისწავლა და მას უდიდეს პატივს სცემდა”.
განსაკუთრებულ ყურადღებას იქცევს ერთი შემთხვევა, რომელიც 1997 წლის 27 დეკემბერს ნიუ-იორკის ერთ-ერთ კლუბში მოხდა. კლუბში პაფ დიდი ჯენიფერ ლოპესთან ერთად იმყოფებოდა. შელაპარაკებას სროლა მოჰყვა – რის შემდეგაც პოლიციამ პაფ დიდისთან ერთად ჯენიფერ ლოპესიც დააკავა.
New York Post-თან ინტერვიუში ყოფილმადეტექტივმა, დერიკ პარკერმა გაიხსენა, რომ ჯენიფერმა საპატიმროში 14 საათი გაატარა, რის შემდეგაც ის გაათავისუფლეს.
„ეს ნამდვილი კოშმარი იყო, წარმოგენაც კი არ მქონდა რა ხდებოდა”,- აღნიშნა ჯენიფერ ლოპესმა.
