ერთ დროს მონარქია მსოფლიოსთვის ჩვეულებრივი მოვლენა იყო. ყოველივე აღნიშნული ცივილიზაციის განვითარებამ, ფეოდალური წყობის ჩამოყალიბებამ განაპირობა და მსოფლიო საზოგადოებაში გაჩნდნენ დაბალი, საშუალო და მაღალი ფენები. მონარქიულმა სახელმწიფოებმა დროის სვლასთან ერთად დანერგეს უამრავი სიახლე. დაიწყო ფასეულობების გადაფასების ხანა. მონარქები ზოგიერთ ქვეყანაში უარყოფით პერსონებად იქცნენ. დაიწყო რევოლუციების ეპოქა. გადააგდეს, განდევნეს, ჩამოაგდეს, მოკლეს. მონარქიის დამხობამ სარგებელი ზოგს მოუტანა, ზოგიც ერთი უკიდურესობიდან მეორეში გადაეშვა. უფრო მეტად ცივილიზებულ და შეგნებულ საზოგადოებაში მონარქიასაც მოუნახეს სარგებელი და კონსტიტუციით შევიწროებული მისი უფლებები ეკონომიკური წინსვლის საბაბად აქციეს.
ცოტა ხნის წინ ,,თბილისი თაიმსი“ საქართველოში მონარქიისადმი მოსახლეობის განწყობით დაინტერესტა და იქიდან გამომდინარე, რომ საზოგადოების დიდ ნაწილს ამ კარგად ნაცადი ინსტიტუტისადმი მკვეთრად უარყოფითი დამოკიდებულება აქვს, რაც ფორუმებზე არსებულ განხილვებში, მონარქიის თემაზე დაწერილ სტატიებზე გაკეთებულ კომენტარებში გამოიხატება, კითხვარი, რომელიც „თბილისის თაიმსის“ მიერ არის წარმოდგენილი მოყვანილია ის არგუმენტები, რომლებიც ადამიანთა კრიტიკულად განწყობილ კატეგორიას გააჩნია და ძნელი წარმოსადგენია რომელია მათ შორის ყველაზე რეალური არგუმენტი.
კითხვარი და მისი შედეგები ასე გამოიყურება:
რა ზიანს მოუტანს საქართველოს მონარქიის აღდგენა?
- პარლამენტი და პრემიერი უფუნქციო გახდება – 0%
- გამრავლდება დაბალი ფენა – 3%
- ხელს შეუშლის საქართველოს ევროკავშირში გაწევრიანებას – 3%
- დაბრუნდება ბატონ-ყმობა და თავად-აზნაურობა – 3%
- მეფე მიიღებს ყველა მნიშვნელოვან გადაწყვეტილებას – 4%
- ქართველი კაცი ამაყია და თავს ვერ დაუკრავს მეფეს – 4%
- საქართველო ძველ დროში დაბრნდება – 4%
- მოხდება საზოგადოების კლასიფიცირება – 13%
- დიდი თანხა დაიხარჯება სასახლეების და სამეფო სამოსის შეძენაზე – 18%
- არცერთი ზემოთ ჩამოთვლილი 48%
როგორც გამოკითხვამ აჩვენა, რომელშიც 250-მა ადამიანმა მიიღო მონაწილეობა, საკმაოდ საინტერესო სტატისტიკა შედგა. ყველა ზემოთ ჩამოთვლილი არგუმენტი ძალიან სუსტია და არ გამოდგება მონარქიისადმი განწყობის შესაქმნელად. წარმოდგენილი ორაზროვანი პასუხები შეგვიძლია ორი კონტექსტით განვიხილოთ. ერთი ის, რომ ჩამონათვალში არ არის ის არგუმენტი, რომელიც უფრო მეტად განამტკიცებს ანტიმონარქისტთა პოზიციას და მეორე, რომელიც მონარქისტთა უპირატესობაზე მეტყველებს და მათ პოზიციას საზოგადოების – 48%-ი ეთანხმება. საბოლოო პასუხი, ისევ ჩვენს გარშემოა მოსაძიებელი და ამ პასუხს მოქალაქეთა სრული ინფორმირების შემდეგ მივიღებთ.
ბოლოს კი შეგახსენებთ, რომ დღესდღეობით ევროპის კონტინენტზე 47 სუვერენული სახელმწიფოა, მათ შორის კი 11 კონსტიტუციური მონარქიით გახლავთ და მსოფლიოს ყველაზე მდიდარ სახელმწიფოთა სათავეში უკვე წლებია სწორედ მონარქიული სახელმწიფოებია, რომელსაც მეფეები, დედოფლები, პრინცები და პრინცესები განაპირობებენ. თუმცა რა საკვირველია იქაც არსებობენ ამ ინსტიტუტის მოწინააღმდეგენი, მაგრამ მათი საზოგადოების დიდი ნაწილი იმდენადაა მონარქიისადმი დადებითად განმსჭვალული ეს ვერ ცვლის პოლიტიკურ ამინდს და მონარქია კვლავ თანამედროვეობის ზღაპრადაა ქცეული.
15.03.14
გიორგი ჩუბინიძე
