თურქეთი რუსეთს უკრაინაზე თავდასხმის შემთხვევაში ბოსფორის სრუტის ჩაკეტვით ემუქრება.
თურქეთის პრემიერ-მინისტრი რეჯეპ ტაიპ ერდოღანი რუსეთის პრეზიდენტ ვლადიმერ პუტინს ტელეფონით ესაუბრა და უკრაინასთან კონფლიქტის შედეგებზე გააფრთხილა.
ამის შესახებ უკრაინული მედია თურქეთის დიპლომატიურ წყაროზე დარყდნობით წერს. წყაროს ცნობით, ყირიმელი თათრების ლიდერ მუსტაფა ჯემილევისა და თურქეთის პრემიერის ბოლო შეხვედრისას რუსეთის აგრესიული პოლიტიკის გამო ყირიმელი თათრების საფრთხის შესახებ იყო საუბარი.
მისივე ინფორმაციით, ჯემილევთან საუბრის შემდეგ ერდოღანმა პუტინს დაურეკა და გააფრთხილა, რომ იმ შემთხვევაში თუ რუსეთი უკრაინაში შეიჭრება, ასევე თუ ყირიმის ე.წ. ხელისუფლება ყირიმელ თათრებზე ძალადობას განახორციელებს, თურქეთი იძულებული იქნება, რუსული გემებისთვის შავი ზღვის სრუტე ჩაკეტოს.
18.03.14
