ავტომობილების მძღოლების დარღვევათა სიაში ერთ-ერთ პირველ ადგილს პარკირება იკავებს. როგორც ცნობილი გახდა, ავტომანქანის არასწორი პარკირებისთვის ადმინისტრაციული ჯარიმა 20 ლარამდე აღარ გაიზრდება და ძალაში არსებული 10-ლარიანი ჯარიმა დარჩება.
“დგომა აკრძალულია“ / “გაჩერება აკრძალულია“ ნიშნების დაუმორჩილებლობისთვის 20 ლარამდე რამდენიმე დღის წინ გაზრდილი ჯარიმა პარლამენტმა გააუქმა. 85 მომხრე და არცერთი წინააღმდეგი – პარლამენტის სესიაზე აღნიშნულ ცვლილებას კენჭი მესამე მოსმენით უყარეს.
ცვლილება დაჩქარებული წესით მიიღეს, რადგან მისი ამოქმედების შემდეგ, ისევ შემცირების შემთხვევაში, მერიას„სითი პარკისთვის“ კომპენსაციის გადახდა მოუწევდა.
ნინო ზარიძე
