ლატვიამ, ლიეტუვამ და ესტონეთმა შეთანხმებას მიაღწიეს, რომლის მიხედვითაც სახმელეთო საზღვრით რუსეთის მოქალაქეებს აღარ შეუშვებენ, – ამის შესახებ ლატვიის საგარეო საქმეთა მინისტრმა ედგარ რინკევიჩმა განაცხადა.
არსებული ინფორმაციით აკრძალვა მოქმედი შენგენის ვიზების მქონე რუსეთის მოქალაქეებს შეეხებათ და გამონაკლისი იქნება მხოლოდ სატვირთო მანქანების მძღოლები და დიპლომატები. სამივე ქვეყანა აკრძალვებს ერთდროულად, სავარაუდოდ 15 სექტემბრიდან აამოქმედებს.
ფინეთი, რომელიც რუსეთს ესაზღვრება, ჯერჯერობით ამ აკრძალვას არ უერთდება. როგორც ფინეთის საგარეო საქმეთა სამინისტროში აცხადებენ, ისინი ევროკომისიის რეკომენდაციებს ელოდებიან.
შეგახსენებთ, რომ 31 აგვისტოს ცნობილი გახდა, რომ ევროკავშირი რუსეთის მოქალაქეებისთვის ვიზებს გამარტივებული სახით არ გასცემს.
