საქართველოს პრემიერი-მინისტრი ირაკლი ღარიბაშვილი გერმანიის კანცლერმა ანგელა მერკელმა მიიწვია. აღნიშნულთან დაკავშირებით მთავრობის ადმინისტრაციაში გამართულ პრესკონფერენციაზე განცხადება მთავრობის საერთაშორისო ურთიერთობათა დეპარტამენტის მრჩეველმა დავით მაღრაძემ გააკეთა.
მისი განცხადებით, ირაკლი ღარიბაშვილის ვიზიტი გერმანიაში ივნისის პირველ ნახევარში შედგება.
“ეს არის ანგელა მერკელის მიერ საქართველოს ხელისუფლების პირველი პირების გერმანიაში პირველი მიწვევა. გერმანიის და საქართველოს მთავრობის მეთაურები ერთმანეთს პირისპირ შეხვდებიან. მოლაპარაკებების ფარგლებში, განიხილება, როგორც ორმხრივი, ასევე მრავალმხროვი ურთიერთობის საკითხები”, -განაცხადა დავით მაღრაძემ.
მისივე შეფასებით, ანგელა მერკელის მიწვევას განსაკუთრებული მნიშვნელობა ენიჭება ევროკავშირთან ასოცირების და ღრმა და ყოვლისმომცველი თავისუფალი სავაჭრო სივრცის შესახებ შეთანხმებაზე ხელმოწერის წინ, რომელიც ასევე არაუგვიანეს ივნისში გაიმართება.
07.04.14
