დაფიქრება გვჭირდება, რა უნდა გავაკეთოთ იმისათვის, რომ ლუპის ქვეშ არ ვიყოთ, მათ შორის – მედიაც, – ამის შესახებ “რუსთავი-2”-ის ხელმძღვანელობასთან დაკავშირებული ფარული თვალთვალის კადრების გავრცელებაზე გაზეთ “რეზონანსის” მთავარმა რედაქტორმა, ლაშა ტუღუშმა განაცხადა. როგორც ტუღუშმა აღნიშნა, ასევე საშიში ტენდენციაა შს სამინისტროდან მსგავსი ინფორმაციის გაჟონვა, რადგან “რუსთავი-2”-ის ხელმძღვანელობა აცხადებს, რომ ფარული თვალთვალის კადრების წყარო სწორედ შს სამინისტროა. “აუცილებელია გამოძიება. გამოძიებამ უნდა გააკეთოს დასკვნები. მე მეშინია, რომ სადმე რაიმე ნაგავი არსებობს და პანდორას ყუთი არ გაიხსნას, რადგან ეს გამოიწვევს საზოგადოების აფეთქებას. ფაქტია, რომ მასალები არსებობს, ისიც ფაქტია, რომ ათიათასობით ასეთი მასალა არსებობდა, ჩვენ კი საშველი ვერ დავაყენეთ ახალი კანონების მიღებას, რომელიც კონტროლის მექანიზმებს დააწესებდა”, – განაცხადა ლაშა ტუღუშმა. მისივე განცხადებით, ხელისუფლებამ ენერგიული და სწრაფი გადაწყვეტილებები უნდა მიიღოს მსგავსი ინფორმაციის დაცვის კუთხით, ასევე თვალთვალის აღმოფხვრის კუთხით, რისთვისაც, საკადრო და სტრუქტურული ცვლილებების განხორციელებაა საჭირო. “გვჭირდება დაფიქრება, რა უნდა გავაკეთოთ იმისთვის, რომ ლუპის ქვეშ არ ვიყოთ ჩვენ, მათ შორის მედიაც”, – განაცხადა ლაშა ტუღუშმა. ტელეკომპანია “რუსთავი 2”-ის ხელმძღვანელობამ დღეს პრესკონფერენცია გამართა და განაცხადა, რომ აღმოჩენელია ვიდეომასალა, სადაც ნიკა გვარამიასა და ნინო შუბლაძეს საუბრებია აღბეჭდილი. ნიკა გვარამიამ ინფორმაციის წყაროდ შსს დაასახელა.
06.05.14
