რუსეთის ჯარები უკრაინის საზღვრებთან შეზღუდულად მოქმედებენ. ამის შესახებ ნატო-ს გენერალურმა მდივანმა ანდერს ფოგ რასმუსენმა “ტვიტერზე” დაწერა.
“ჩვენ თვალს ვადევნებით უკრაინის საზღვრებთან რუსეთის ჯარების შეზღუდულ ქმედებებს, რაც იმას მიანიშნებს, რომ ამ ჯარების ნაწილი უკან დასახევად ემზადება”, – დაწერა ანდერს ფოგ რასმუსენმა ტვიტერზე.
მისივე თქმით, ჯერ საკმაოდ ნაადრევია, რას ნიშნავს რუსეთის ჯარების ეს ქმედებები, მაგრამ იმედოვნებს, რომ ეს ჯარების სრული და რეალური გაყვანის დასაწყისია.
ამასთან, როგორც ანდერს ფოგ რასმუსენი წერს, უკრაინის საზღვრებთან დისლოცირებული რუსეთის სამხედროების დიდი ნაწილი კვლავ იქ რჩება და წვრთნებს აგრძელებს.
“რუსეთის ჯარების ყოვლისმომცველი გაყვანა სწორი მიმართულებით გადადგმული პირველი ნაბიჯი იქნება”, – დაწერა ანდერს ფოგ რასმუსენმა “ტვიტერზე”.
22.05.14
