ამომრჩეველთა ყველაზე მაღალი აქტივობა რაჭა-ლეჩხუმშია, ყველაზე დაბალი – თბილისში

12.00 საათის მონაცემების მიხედვით, რეგიონებში ამომრჩეველთა აქტივობის მხრივ რაჭა-ლეჩხუმი ლიდერობს.

12.00 საათის მონაცემებით, რაჭა-ლეჩხუმის რეგიონში ამომრჩეველთა საერთო რაოდენობის 30,8% მიიღო არჩევნებში მონაწილეობა. ყველაზე დაბალი აქტივობა ამ დროისთვის არის თბილისში, სადაც 12,8% იყო არჩევნებზე მისული.

უშუალოდ თბილისს რაც შეეხება ყველაზე მაღალი აქტვობა დაფიქსირებულია დიდუბეში და 13,8%-ს შეადგენს, ხოლო ყველაზე დაბალი აქტივობა დაფიქსირებულია ისანში, სადაც ამომრჩეველთა საერთო რაოდენობის 11,5% არის არჩევნებზე მისული.
ამასთან, 12.00 საათის მონაცემებით, არჩევნებში მონაწილეობა საქართველოს მასშტაბით მიიღო 571 123 ამომრჩეველმა, რაც ამომარჩეველთა საერთო რაოდენობის 16,65%-ია.

განახლებული ინფორმაცია 15:30 საათზე გახდება ცნობილი.

15.06.14