საპარლამენტო უმრავლესობის წევრი თინა ხიდაშელი კულტურის მინისტრის თამადებობაზე მიხეილ გიორგაძის დანიშვნას დადებითად აფასებს. მისი თქმით, კულტურის სამინისტროში პრინციპულად სხვა ხედვის ადამიანი მოდის.
„მე ვფიქრობ, რომ ძალიან კარგად უნდა დაეტყოს ეს ქართული სახელმწიფოს კულტურის პოლიტიკას. რეალობაში რა და როგორ მოხდება, ამას, რა თქმა უნდა, შემდეგ ვნახავთ“, – აცხადებს თინა ხიდაშელი.
მისივე თქმით, მიხეილ გიორგაძის მოსმენა იქნება განსაკუთრებით საინტერესო, რადგან, რასაც ის აქამდე აკეთებდა კულტურის სფეროში, იყო პრინციპულად სხვა, ვიდრე ის, რასაც აქამდე კულტურის სამინისტრო აკეთებდა.
ცნობისათვის, კულტურისა და ძეგლთა დაცვის მინისტრის თანამდებობაზე პრემიერმინისტრმა იხეილ გიორგაძის კანდიდატურა წარადგინა.
23.07.14
