“სოლიდარობის ფონდსა” და “საქართველოს ბანკს” შორის ურთიერთთანამშრომლობის მემორანდუმი გაფორმდა

საქართველოს პრემიერ-მინისტრის ინიციატივით შექმნილ “სოლიდარობის ფონდსა” და “საქართველოს ბანკს” შორის ურთიერთთანამშრომლობის მემორანდუმი გაფორმდა.

როგორც “თბილისი თაიმსს” პრემიერ-მინისტრის პრესსამსახურიდან აცნობეს, დოკუმენტს “სოლიდარობის ფონდის” აღმასრულებელმა დირექტორმა მარიამ ჯაშმა და “საქართველოს ბანკის” გენერალური დირექტორის მოადგილემ ნიკოლოზ გამყრელიძემ მოაწერეს ხელი.
მემორანდუმის ფარგლებში, “საქართველოს ბანკში” დღეიდან ამოქმედდება გადარიცხვის სისტემები, რაც მომხმარებელს სურვილის შემთხვევაში, სოლიდარობის ფონდში თანხის ნებაყოფლობით გადარიცხვას გაუმარტივებს.

“საქართველოს სოლიდარობის ფონდის” მხარდამჭერებს საშუალება ეძლევათ, საკომისიოს გადახდის გარეშე განახორციელონ ნებაყოფლობითი დონაცია, როგორც “საქართველოს ბანკის” ყველა სერვისცენტრში, ასევე ბანკის თვითმომსახურების ტერმინალების – www.epay.ge, www.ibank.ge, www.eonline.ge

17.09.14