გავლენიანი ბრიტანული გამოცემა Financial Times საქართველოს შესახებ სტატიას აქვეყნებს. სტატიის შესახებ ინფორმაციას ტურიზმის ეროვნული ადმინისტრაცია ავრცელებს.
მათი ცნობით, ჟურნალისტი მაია ჯაგი კახეთში, ალავერდის სამონასტრო კომლექსში მდებარე მარანს აღწერს.
„საიდუმლო რიტუალები: მე-6 საუკუნის ალავერდის მონასტერი, რომელიც ქართული ღვინის ინდუსტრიის აღორძინების სარკმელს წარმოადგენს. მონასტრის გარშემო ვენახებია გაშენებული. ალაზნის ველზე მდებარე ალავერდის მონასტერი მთელ ქვეყანაში უძველესი მოქმედი მარნით ამაყობს, რომელიც მე-11 საუკუნისაა. თბილისიდან ავტომობილით ალავერდამდე 2 საათზე ნაკლებია სავალი. მონასტერი კახეთის რეგიონში მდებარეობს, რომელიც ტყიანი მთებითა და მდელოებითაა გარშემოტყმული. რეგიონი რუსეთსა და აზერბაიჯანს ესაზღვრება. ქართული ღვინის ¾ სწორედ კახეთში მზადდება“,-წერია სტატიაში.
Financial Times-ის ინფორმაციით, ქართული ღვინო ევროპის, ჩინეთის, აშშ-სა და დიდი ბრიტანეთის ბაზრებზეა წარდგენილი.
„მსოფლიომ საქართველო თავიდან აღმოაჩინა, როგორც ღვინის მდიდარი ტრადიციების მქონე ქვეყანა. საერთაშორისო საზოგადოება მხარს უჭერს საქართველოს ამბიციებს, რომ დაიმკვიდროს თავი, როგორც ღვინის სამშობოლომ. საქართველოში, სოფელ შულავერთან აღმოჩენილია ჩვენს წელთაღრიცხვამდე 6 ათასი წლით დათარიღებული ღვინის კერამიკული ჭურჭელი, რომელზეც ვაზია გამოსახული. ქართული ვაზის 525 ჯიშია შენარჩუნებული, აბისტაჯიდან დაწყებული ზერდაგით დასრულებული. ღვინისმოყვარულებსა და ტურისტებს განსაკუთებით აღაფრთოვანებთ მშრალი თეთრი რქაწითელი და მსოფლიოში ერთერთი უძველესი წითელი საფერავი“,-წერს გამოცემა.
02.10.14
