ფინანსთა სამინისტროს საგამოძიებო სამსახურმა, ყალბი ფულის შეძენა-შენახვისა და გასაღების ფაქტზე ორი მოქალაქე დააკავა.
საგამოძიებო სამსახურის ცნობით, გამოძიებამ დაადგინა, რომ მოქალაქეებმა სპარტაკ ჯინორიძემ და თამაზ გუგეშაშვილმა, ერთ-ერთ მოქალაქეზე გაასაღეს 2 ცალი 100 დოლარიანი ყალბი კუპიურა, სანაცვლოდ კი ითხოვდნენ 45%-ს – 90 აშშ დოლარს.
“დაკავებულის, სპარტაკ ჯინორიძის საცხოვრებელი ბინის ჩხრეკისას, საგამოძიებო სამსახურმა ამოიღო სარეალიზაციოდ გამზადებული 18 300 აშშ დოლარის ყალბი 100 დოლარიანი კუპიურები.
საქმეზე მიმდინარეობს გამოძიება საქართველოს სისხლის სამართლის კოდექსის 212-ე მუხლის მეორე ნაწილის “გ” ქვეპუნქტით, რაც ითვალისწინებს თავისუფლების აღკვეთას ვადით 7 დან 10 წლამდე”, – ნათქვამია ფინანსთა სამინისტროს საგამოძიებო სამსახურის მიერ გავრცელებულ ინფორმაციაში.
24.10.14
