ფინანსთა მინისტრის ნოდარ ხადურის განცხადებით, ლარის კურსთან დაკავშირებით კომენტარის გაკეთება მხოლოდ ფინანსთა სამინისტროს კომპეტენციის ფარგლებში შეუძლია.
„გაცვლით კურსზე ბიუჯეტის ზემოქმედება ნულის ტოლია. რაც შეეხება ბიუჯეტის შესრულებას, 2014 წლის ბიუჯეტში შემოსავლები გადაჭარბებით იქნება შესრულებული, ისევე როგორც ხარჯვითი ნაწილიც დაახლოებით 100%-ით იქნება შესრულებული“, – განაცხადა ხადურმა.
კითხვაზე, იხსნის თუ არა ლარის კურსის რყევებზე ფინანსთა მინისტრი და სამინისტრო პასუხისმგებლობას, ხადურმა ჟურნალისტებს კანონმდებლობის წაკითხვა ურჩია.
ფინანსთა მინისტრმა აღნიშნა, რომ ლარის კურსთან დაკავშირებით არსებობენ კომპეტენტური ორგანოები და აღნიშნული კითხვები მათ მიმართ უნდა დაისვას.
03.12.14
