კომპანია ბილაინი და „ახალგაზრდა ფინანსისტთა და ბიზნესმენთა ასოციაცია – აფბა“ იწყებს პროექტს სახელწოდებით, – „განავითარე ბიზნესი“, რომელიც ჩვენს ქვეყანაში მცირე მეწარმეობის განვითარების პრობლემატიკას ეხება.
ორგანიზატორების განცხადებით, პროექტის მიზანია ეკონომიკის მეტად მნიშვნელოვანი სეგმენტის წახალისება.
მათივე ინფორმაციით, პროექტის სამიზნე აუდიტორიაა თვითდასაქმებულები, სეგმენტი, რომელიც ქვეყანაში დასაქმებულთა საერთო რაოდენობის 60%–ზე მეტია, შესაბამისად, თვითდასაქმებულთა პრობლემატიკის კვლევა, მათ გადაჭრაზე ძალისხმევის მიმართვა, ასევე, თვითდასაქმებულთა საქმიანობის პოპულარიზაცია, ქვეყნის სოციალურ–ეკონომიკური სიტუაციის გაჯანსაღებისკენ გადადგმული კიდევ ერთი ნაბიჯი იქნება.
პროექტი 6 თვიანია და ის ითვალისწინება თვითდასაქმებულების პრობლემების იდენტიფიცირებას და მათი გადაჭრის გზების ძიებას.
პროექტი კომპანია ბილაინის ახალი სოციალური პასუხისმგებლობის კამპანიის MAKE YOUR MARK ფარგლებში ჩატარდა და მის პრეზენტაციას დაესწრნენ ბილაინის მაღალი რანგის მენეჯერები სათაო ოფისიდან, პრეზენტაციას დაესწრნენ ეკონომიკისა და მდგრადი განვითარების სამინისტროს, ფინანსთა სამინისტროს, დედაქალაქის მერიის წარმომადგენლები, ასევე ეკონომიკის ექსპერტები, რომლებიც თვითდასაქმების და მეწარმეობის საკითხებზე მუშაობენ.
„რამდენიმე დღის წინ, საქართველოში ახალი, ტექნოლოგიური რევოლუცია დაიწყო. კომპანია ბილაინმა მოხმარებელს შესთავაზა მეოთხე თაობის ინტერნეტ ტექნოლოგია, ყველაზე ფართე დაფარვის ზონით. ეს ყველაზე მასშტაბური სოციალური ინვესტიცია, რაც საქართველოში განხორციელებულა და რომლის ღირებულება რამდენიმე ასეულ მილიონ ლარს შეადგენს, ვთვლით რომ ამ ისტორიულ მომენტს განსაკუთრები ეხმიანება ჩვენი ახალი სოციალური პასუხისმგებლობის მიმართულებას, ბიზნესის განვითარებას, ვთვლით რომ ახალი ტექნოლოგიები არეს ერთ ერთი მნიშვნელოვანი ფაქტორი, რომელიც ეხმარება ბიზნეს, უკეთ შესძლოს თანამედროვე გარემოში ოპერირებას,“ – განაცხადა კომპანია ბილაინის გენერალურმა დირექტირმა გიორგი ტყეშელაშვილმა.
ნოდარ ჭიჭინაძე, „ახალგაზრდა ფინანსისტთა და ბიზნესმენთა სოციაცია – აფბას“ პრეზიდენტი: „აფბა“ მიესალმება „ბილაინის“ სოციალური პასუხისმგებლობის ახალ მიმართულებაში ჩართვას. პროექტი, მასშტაბიდან გამომდინარე, ჩვენი საზოგადოების საკმაოდ მნიშვნელოვან ნაწილს ეხება, მოხდება მცირე მეწარმეთა პრობლემების იდენტიფიცირება და გადაიდგმება მათ მოგვარებაზე კონკრეტული ნაბიჯები. ბუნებრივია, ამ პროცესში ჩვენ ვგეგმავთ სახელმწიფო ინსტიტუციებთან მჭიდრო თანამშრომლობას. ბოლო პერიოდში ძალიან ბევრი საინტერესო იციციატივაა, რომელთა სამიზნე აუდიტორიის მიერ სწორი ადაპტირების შემთხვევაში ქვეყნის ეკონომიკისთვის ძალიან სასარგებლო შედეგები შეიძლება მივიღოთ. ამ პროექტის მთავარი მიზანია, დაეხმაროს მცირე მეწარმეებს, რომ სწორედ მათ სასარგებლოდ მოხდეს იმ ინიციატივების წარმატებით იმპლემენტირება, რომელიც არა მარტო სახელმწიფო ინსტიტუციებს, არამედ შედარებით მსხვილ ბიზნესს გააჩნია“, – განმარტავს “აფბას” პრეზიდენტი.
