საუბარი, რომელიც ძვირად გვიჯდება – მობილური ოპერატორების ტარიფები

ფიჭური კავშირგაბმულობის ბაზარი მთელს მსოფლიოში, ისევე როგორც საქართველოში, საკმაოდ სწრაფად პროგრესირებს. საქართველოს მობილური ოპერატორების ბაზარზე სულ სამი კომპანიაა – „მაგთიკომი“; „ჯეოსელი“ და „მობიტელი“ (ბილაინი). მობილური ოპერატორების აბონენტთა რიცხვი ყოველდღიურად იზრდება და  ბაზარიც საკმაოდ კონკურენტუნარიანია. „თბილისი თაიმსის“ მორიგი  ბლიც გამოკითხვა სწორედ მობილური კავშირგაბმულობის ბაზარს ეხება. საინტერესოა თუ რამდენი აბონენტი სარგებლობს ამა თუ, იმ მობილური ოპერატორის მომსახურებით, რა ტარიფები და შეთავაზებები აქვთ კომპანიებს მომხმარებლებისთვის და რამდენად შეესაბამება მათი ტარიფები საერთაშორისო სტანდარტებს.

გამოიკითხა ბაზარზე არსებული სამივე კომანია („მაგთიკომი“; „ჯეოსელი“; „ბილაინი“). გამოკითხვის შედეგებ კი ასეთია: მობილური ოპერატორების ბაზრის ლიდერი აბონენტთა რაოდენობის მიხედვით არის „მაგთიკომი“ – 3 მილიიონზე მეტი აბონენტით, მას მოსდევს „ჯეოსელი“ – 2 მილიონი მომხმარებლით, ხოლო ბაზარზე შედარებით მცირე მოთამაშეა კომპანია – ”ბილაინი” მილიონ ასი ათასი აბონენტით.

კომპანია „მაგთიკომი“:

”დღეისათვის საქართველოში 3 მილიონზე მეტი ადამიანი სარგებლობს მაგთიკომის მომსახურებით, რომელიც 5 ბრენდით არის წარმოდგენილი ბაზარზე (მაგთი, ბალი, ბანი, მაგთიფიქსი და მაგთისატი). მაგთიკომი ყველაზე მრავალფეროვანი არჩევანის საშუალებას აძლევს მომხმარებელს, არა მხოლოდ პროდუქტების და სატარიფო გეგმების, არამედ  ბრენდების თვალსაზრისითაც. მომხმარებელს შეუძლია 3 მობილური ბრენდიდან თავის ინტერესებს და ქცევას მოარგოს სასურველი სატარიფო გეგმა, მაგალითად:

• 0 თეთრიანი საუბრების შესაძლებლობა შიდა ქსელში ყველაზე მეტ აბონენტთან
• ინტერნეტის საუკეთესო ტარიფის და ხარისხის მიღება ინტერნეტპაკეტების შეძენისას
• ახალგაზრდული ბალი მუდმივად სთავაზობს  კლუბის წევრებს  საჩუქრებს.
• უცხოეთში ყოფნისას,ნომრის შეცვლის და დეპოზიტის გარეშე, იაფი როუმინგული მომსახურების ფარგლებში, შემომავალი ზარი 10 თეთრიდან იწყება, გამავალი კი – 30 თეთრიდან.

მაგთიკომში არსებული ტარიფები შესაბამისობაშია საქართველოს მოქმედ კანონმდებლობასთან. კომპანიის სტანდარტულ ტარიფზე ზედა ზღვარს აწესებს  მარეგულირებელი კომისია, სხვადასხვა აქციებში კი ჩვენ თავად ვაწესებს აქციისთვის შესაფერის ტარიფს.

კონკურენტებისგან განსხვავებით, მაგთიკომს შეუძლია მომხმარებელს ერთდროულად შესთავაზოს მობილური და ფიქსირებული ტელეფონი, ინტერნეტი და თანამგზავრული სატელევიზიო მაუწყებლობა. ამჟამად პოპულარულია პაკეტი„მარტივი 25“, სადაც ულიმიტო საუბარი, ულიმიტო მოკლეტექსტური შეტყობინებები და ინტერნეტპაკეტია გაერთიანებული, მომხმარებელს არ უწევს ცალ-ცალკე მათი შეძენა, რაც ჩვენს მომსახურებას  უფრო კომფორტულს ხდის.

მაგთის ოფისებში მე-4 და მე-3 თაობის  სმარტფონების შეძენა საუკეთესო პირობებითაა შესაძლებელი – როგორც ერთიანი გადახდით, ისე 12 და 18-თვიანი განვადებით, თვეში 22 ლარიდან. და რაც მთავარია, მაგთის ოფისებში ნაყიდ ოფიციალურ სმარტფონებს საჩუქრად მოჰყვება  1 წელი უფასო ინტერნეტი. მაგთიკომი კორპორაციული მომსახურებით სარგებლობენ როგორც მსხვილი, ისე საშუალო და მცირე კერძო და სახელმწიფო ორგანიზაციები. მათი რაოდენობა ძალიან დიდია.“

კომპანია „ჯეოსელი“:

„ჩვენი მომსახურებით ორი მილიონი აბონენტი სარგებლობს, ჯეოსელის აბონენტებისთვის სატარიფო შეთავაზებების არჩევანი საკმაოდ ფართოა, თუ პრინციპულად დავყოფთ, არის ჯგუფი ტარიფებისა სადაც იხდით წუთის, სმს-ის ან მეგაბაიტის საფასურს. ასევე შარშან ბაზარზე ჩვენ აბონენტებს შევთავაზეთ პაკეტი ”მეტი” – სადაც იხდით ერთხელ და სანაცვლოდ იღებთ სერვისების სასურველ რაოდენობას.დიდი პოპულარობა მოიპოვა ულიმიტო პაკეტმა  – ”25 ლარიანი მეტი”, რომელშიც წუთები და სმს-ები ულიმიტოა, საჩუქრად კი 1 გბ ინტერნეტი მოყვება. 3 თებერვალს კიდევ ერთი სიახლე შევთავაზეთ მომხმარებელს – ”პაკეტი მეტი ”

განახლებული გაუმჯობესებული პირობებით მხოლოდ 5 ლარად. ჩვენი ტარიფები საერთაშორისო სტანდარტების გათვალისწინებით მორგრებულია ადგილობრივ ბაზარზე.

ჩვენს ოფისებში მსურველებს შეუძლიათ შეიძინონ ანდროიდ სმარტფონები განვადებით საუკეთესო პირობებით ბაზარზე. ასევე გვაქვს მარტივი და ძალიან ხელმისაწვდომი  ტარიფები როუმინგზე – 1 წუთი მხოლოდ 25 თეთრად. ჯეოსელს აქვს სპეციალური კორპორატიული შეთავაზებები, რომელიც ვრცელდება სამთავრობო და არასამთავრობო სტრუქტურებზე, ბიზნეს  სექტორსა და საერთაშორისო წარმომადგენლობებეზე.“

კომპანია „ბილაინი“:

”დღეისათვის ჩვენს კომპანიას ჰყავს მილიონ ასი ათასზე მეტი აბონენტი. ”ბილაინი” ბაზარზე განსაკუთრებულ ხელსაყრელ პირობებსა და კომფორტს ქმნის აბონენტებისათვის, მრავალფეროვანი შეთავაზებებითა და ყველაზე დაბალი ფასებით.  მომხმარებლებს სთავაზობს ისაუბროს საუკეთსო ფასად ბილაინის ქსელსა და საქართველოს ყველა ოპერატორთან ტარიფ” მარტივის”  საშუალებით:

• ზარი ბილაინის ქსელში- 0 თეთრი
• ზარი სხვა ოპერატორებთან საქართველოში – 5 თეთრი
• SMS/MMS ყველა ოპერატორთან – 1 თეთრი
• 1მბ ინტერნეტი – 10 თეთრი
• ზარის წამოწყების საფასურია 5 თეთრი.

ბილაინს აქვს ასევე კორპორატიული შეთავაზებები კომპანიებისთვის, ჩვენთან კორპორატიული მომსახურება გაცილებით კომფორტული გახდა, მომხმარებელს შეუძლია აირჩიოს სასურველი პარამეტრები და შექმნას მისთვის საუკეთესო ტარიფი მაგალითად:

ნინა პირტახია