საქართველოს პრემიერ-მინისტრის ირაკლი ღარიბაშვილის ხელმძღვანელობით მთავრობის ადმინისტრაციაში დღეს სახელმწიფო უსაფრთხოებისა და კრიზისების მართვის საბჭოს სხდომა გაიმართა. როგორც “თბილისი თაიმსს” მთავრობის ადმინისტრაციიდან აცნობეს, სხდომაზე რეგიონში არსებული ვითარება, საგარეო პოლიტიკის გამოწვევები, შიდა და საგარეო საფრთხეები განიხილეს. სხდომას, რომელიც დახურულ ფორმატში წარიმართა: სახელმწიფო უსაფრთხოებისა და კრიზისების მართვის საბჭოს მდივანი, შინაგან საქმეთა მინისტრი, თავდაცვის მინისტრი, საგარეო საქმეთა მინისტრი, იუსტიციის მინისტრი და ეროვნული უშიშროების საბჭოს მდივანი ესწრებოდნენ.
