ოთხი ტელეკომპანია: “Tv პირველი”, “ფორმულა”, “მთავარი არხი” და “კავკასია” 24 საათით მაუწყებლობას წყვეტს.
ტელევიზიების მენეჯმენტის გადაწყვეტილებით, მომდევნო 24 საათის განმავლობაში აღნიშნული ტელეკომპანიების ჟურნალისტები და ოპერატორები არც მიმდინარე გადაღებებზე წავლენ.
საქმე ის არის, რომ ამ გზით გრძელდება მედიის პროტესტი 5 ივლისს ძალადობრივი ჯგუფების მიერ ნაცემი “TV პირველის” ოპერატორ ლექსო ლაშქარავას გარდაცვალების გამო. მედიის წარმომადგენლების შეფასებით, 5 ივლისს ხელისუფლებამ ვერ დაიცვა ჟურნალისტების და ოპერატორების უსაფრთხოება, ვერ უზრუნველყო მათთვის უსაფრთხო სამუშაო პირობების შექმნა, ამიტომ ქვეყნის პრემიერ-მინისტრი ირაკლი ღარიბაშვილი და შს მინისტრი ვახტანგ გომელური უნდა გადადგნენ და დაისაჯოს ყველა დამნაშავე.
