საქართველოს ბანკის იფორმაციით, ბანკმა Global Finance-ის ჯილდოს – „საქართველოში 2018 წლის საუკეთესო პირადი საბანკო მომსახურება“ მიიღო. ხსენებულ კატეგორიაში მსოფლიოს მასშტაბით საუკეთესო ბანკებს ცნობილი საერთაშორისო ჟურნალი Global Finance-ი უკვე მესამედ ავლენს.
როგორც “თბილისი თაიმსს” ბანკიდან აცნობეს, „ხსენებული ჯილდოს მიღება ადასტურებს მომსახურების იმ მაღალ ხარისხს, რომელსაც საქართველოს ბანკი დაგროვილი ქონების მართვის მიმართულებით კლიენტებს სთავაზობს. პირადი ბანკირის მომსახურებასთან და მიმზიდველ ამონაგებთან ერთად, საქართველოს ბანკი, თავისი შვილობილი კომპანიის, Galt & Taggart Securities-ის საშუალებით, კლიენტებს საერთაშორისო კაპიტალის ბაზრებზე ინვესტირების საშუალებას აძლევს,“ განაცხადა საქართველოს ბანკის გენერალურმა დირექტორმა კახა კიკნაველიძემ.
საქართველოს ბანკის დაგროვილი ქონების მართვის მიმართულება სადღეისოდ 1,818 მლნ ლარის მოცულობის აქტივებს მართავს და ემსახურება შეძლებულ პირებსა და მათ ოჯახებს, 60-ზე მეტი სხვადასხვა ქვეყნიდან.
