აფხაზური მედის საშუალებით გავრცელდა ინფორმაცია, რომ ენერგეტკის მინსიტრი კახა კალაძე მოადგილეებთან ერთად ოკუპირებილ აფხაზეთში იმყოფებოდა. აფხაზური მედიის ცნობით, აფხაზეთის მხრიდან შეხვედრას ესწრებოდა ოკუპირებული აფხაზეთის დე ფაქტო ვიცე-პრემიერ, ენერგეტიკის ტრანსპორტისა და კავშირგაბმულობის მინისტრი ვიქტორ ხილჩევსკი, ე.წ დებუტატები და გალის რაიონის დე ფაქტო ადმინისტრაციის უფროსი თემურ ნადარაია.
აფხაზური მედიის ინფორმაციით, შეხვედრა შეეხებოდა ”ენგურჰესის” რეაბილიტაციის საკითხს, ასევე აფხაზური მედია იუწყება, რომ ენერგეტიკოსების განხილვის თემა ”ენგურჰესის” აფხაზურ ტერიტორიაზე არსებული მონაკვეთი იყო.
მთავრობის სხდომის დასრულების შემდეგ კახა კალაძემ ჟურნალისტებს აღნიშნული შეხვედრის დეტალები გააცნო.
მისი თქმით, საქართველოს მთავრობას აფხაზურ მხარესთან ენერგეტიკული მიმართულებით კარგი ურთიერთობა აქვს. მინისტრის თქმით აღნიშნული შეხვედრა 6 მარტს გაიმართა, შეხვედრაზე განხილული იყო 2016 წლისთვის ”ენგურჰესის” გვირაბის დაგეგმილი რეაბილიტაცია.
კალაძის განცხადებით, საქართველოს ხელისუფლება ოკუპირებული ტერიტორიების ელექტროენერგიით მომარაგების პასუხისმეგლობას იღებს.
”წლებია, აფხაზეთის მხარესთან დამყარებულია კარგი ურთიერთობა, ეს ახლაც გრძელდება და მომავალშიც გაგრძელდება. ვარდნილის ჰიდროელექტროსადგურებზე მიმდინარეობს არხის გაწმენდთი სამუშაოები, ჩვენ დავათვალიერეთ ენგურჰესის აგრეგატები, რომელიც განთავსებულია საბერიოში. 2016 წლისთვის ვგეგმავთ გვირაბის რეაბილიტაციას. ძალიან მასშტაბური სამუშაოები იქნება ჩასატარებელი და ამისთვის მნიშვნელოვანი და აუცილებელი იქნება ჰიდროელექტროსადგურის გაჩერება რამდენიმე თვით. ყველა სარეაბილიტაციო სამუშაოების ხარჯებს საქართველოს ხელისუფლება თავის თავზე იღებს, ასევე ჰესის გაჩერების შემთხვევაში ჩვენ ვიღებთ პასუხისმგებლობას მოვამარაგოთ აფხაზეთის ტერიტორია ელექტროენერგიით, იყო შემთხვევები, როდესაც პრობლემები ჰქონდა ენგურის ჰიდროელექტროსადგურს, ჩვენ რუსეთიდან შემოგვქონდა ელექტროენერგია და ვაწვდიდით აფხაზებს, რომ ჩაბნელებულები არ ყოფილიყვნენ ისინი”- განმარტა კახა კალაძემ.
ნინა პირტახია
