329-დღიანმა პროტესტმა, გაუტეხლობამ, ადამიანების წვიმაში დგომამ განაპირობა ეს პროცესი – განაცხადა ვარლამ გოლეთიანმა.
“რიონის ხეობის მცველების” ლიდერი ვარლამ გოლეთიანი კმაყოფილია კომპანია “ენკას” გადაწყვეტილებით, რომლის მიხედვითაც “ნამახვანჰესის” მშენებლობა წყდება და ქვეყანასთან ხელშეკრულება უქმდება.
“რიონის ხეობის მცველი” ამბობს, რომ კომპანია საქართველოდან გასასვლელად ემზადებოდა:
“იმედია, მართალია… ამას გარკვეული წინაპირობები ჰქონდა, მაგრამ ჩვენ არ ველოდებოდით, პირიქით, არჩევნების შემდეგ ველოდით, რომ დაიძაბებოდა ვითარება და მოგვიწევდა იგივე გზით წასვლა – ვგულისხმობ პროტესტს… ყოველდღე მოდიოდა „ენკა“ და ჩვენ რომ არ ვუშვებდით, ამას იღებდა დრონით და ვვარაუდობდით, რომ ემზადებოდა საარბიტრაჟო დავისთვის და მტკიცებულებებს აგროვებდა – რომ არ მიეცათ მუშაობის შესაძლებლობა”.
