კომპანია “ნატახტარმა” ახალი ლუდის – ხორბლის გაუფილტრავი “კაიზერის” წარმოება დაიწყო, რომელიც ლუდის სხვა სახეობებისგან განსაკუთრებული არომატით გამოირჩევა.
ქართველი მომხმარებლისთვის ის უკვე საქართველოში ექსკლუზიური ლიცენზიითა და გერმანული ტრადიციების გათვალისიწნებით ჩამოისხმევა.
კომპანიამ ახალი ლუდის პრეზენტაცია რესტორან “ბიერ გარდენში” გამართა და ხორბლის გაუფილტრავი “კაიზერის” დეგუსტაციაც მოაწყო. ეს არის პირველი შემთხვევა, როცა საქართველოში ხორბლის გაუფილტრავი ლუდის მასობრივი წარმოება ხდება.
“აღნიშნული ლუდი ძირითადად ბავარიაში იწარმოება და საკმაოდ რთული წარმოების პროცესით ხასიათდება. ამ მიზეზის გათვალისწინებით ლუდის მწარმოებელი კომპანიები ერიდებიან მის წარმოებას. ჩვენ ეს გავბედეთ და საკმაოდ წარმატებულადაც. შედეგად მივიღეთ უმაღლესი ხარისხის უგემრიელესი პროდუქტი,” – განაცხადა კომპანია “ნატახტარის” ტექნიკურმა დირექტორმა გიორგი ქოქიაშვილმა.
კომპანიის მარკეტინგის დირექტორის, თორნიკე ნიკოლაიშვილის თქმით კი, საქართველოში პირველად მოხდა ხორბლის გაუფილტრავი ლუდის წარმოება.
“ეს არის ლუდი, რომლის გემო და არამატი არასოდეს დაგავიწყდებათ,” – აღნიშნა თორნიკე ნიკოლაიშვილმა.
საქართველოში ლუდის გერმანული ცნობილი ბრენდის “კაიზერის” ჩამოსხმის ოფიციალური უფლება, პირველად კომპანია “კაიზერბრაუსის” ისტორიაში, საქართველომ, უფრო კონკრეტულად კი კომპანია “ნატახტარმა” მიიღო. “კაიზერის” ბოთლზე დატანილია წარწერა – Made in Georgia. ლუდსახარშმა “ნატახტარმა” გერმანულ კომპანიასთან შეთანხმების საფუძველზე ლიცენზირებული “კაიზერის” ჩამოსხმა აქტიურად შარშან, აგვისტოდან დაიწყო.
30.05.13
