აღდგომის დღესასწაულთან დაკავშირებით, სასაფლაოებამდე მუნიციპალური ტრანსპორტი კვლავ უფასო იქნება, – ამის შესახებ თბილისის მერიაში მთავრობის სხდომაზე დედაქალაქის მერმა დავით ნარმანიამ განაცხადა. დავით ნარმანიას განცხადებით, აღდგომის დღესასწაულთან დაკავშირებით ტრადიციულად სასაფლაოებამდე მუნიციპალური ტრანსპორტით გადაადგილება უფასო იყო, ამ თვალსაზირისით, წლევანდელი წელიც არ იქნება გამონაკლისი. მოქალაქეებს ტრანსპორტი მოემსახურება უფასოდ, რასთან დაკავშირებითაც მთავრობის დღევანდელ სხდომაზე განკარგულებას მიიღებენ. ნარმანიას განცხადებით, რამდენიმე სასფლაოსთან მისასვლელი გზა ხელახლა დააგეს. მერის თქმით, წლების განმავლობაში მოქალაქეები ამის გამო დისკომფორტს განიცდიდნენ. მისივე თქმით, ასევე სასაფლაოებიდან გაიტანეს წლების განმავლობაში დაგროვილი ნარჩენები.
