ელექტრონული მუსიკის განვითრებას საქართველოში არც თუ ისე დიდი ისტორია აქვს. მისი ფესვები 90-იან წლებში უნდა ვეძებოთ, როდესაც ის ჯერ კიდევ ფეხს იდგამდა. ვინმეს, რომ ეთქვა ჩემთვის 2014-2015 წლებში საქართველოში ყოველ კვირას დაუკრავენ უცხოელი არტისტები ან იქნება ბევრი მუსიკალური ფესტივალი ალბათ არ დავიჯერებდი. დღეს კი ეს რეალობაა… სასიამოვნოა როდესაც მძიმე სამუშაო კვირის შემდეგ შესაძლებლობა აქვს ქართველ მსმენელს გაერთოს კარგად და მოისმინოს ხარისხიანი მუსიკა. დღეს ბაზარი არჩევანის საშუალებას ნადმვილად გვაძლევს.
„თბილისი თაიმისი“ დაინტერესდა ივენთ (ღონისძიების მომწყობი) კომპანიების მუშაობით, მათი პრობლემებით და სამომავლო გეგმებით. ჩვენ ვესაუბრეთ სამ ივენთ კომპანიას რომლებიც დღეს აქტირად მუშაობენ ბაზარზე.
“Altervision group/Tbilisi Open Air” ეს გახლავთ კომპანია, რომელიც ახორციელებს საქართველოში მასშტაბურ მუსიკალურ ფესტივალებსა და ივენთებს. კომპანია ქართულ ბაზარზე მუშაობს 2009 წლიდან, რომლის პირველი ფესტივალი იყო “Tbilisi open air”
– 2009 წლიდან, როდესაც პირველად ჩავატარეთ “Tbilisi open air”, გაჩნდა მოთხოვნა მსგავსი სახის ფეტივალებზე. თამამად შემიძლია ვთქვა, რომ მომხმარებელი წლიდან-წლამდე ელოდება ჩვენს ფესტივალს. მე ვფიქრობ, რომ ქართველი მსენელი დღეს არაფრით არ ჩამოუვარდება ნებისმიერი განვითარებული ქვეყნის მაცხოვრებელს. რაც შეეხება მომხმარებელს, დადიან როგორც, სკოლის უფროსი კლასის მოსწავლეები და ასევე ასაკოვანი მსენელებიც.
რამდენად არის კულტურის სამინისტროსგან მხარდაჭერა საქართველოში ელექტრონული მუსიკის პოპულარიზაციაში?
– ბოლო ორი წელია, სამწუხაროდ მათგან არანაირი დაინტერესება არ არის. შემიძლია ვისაუბრო თბილისის მერიაზე. ჩვენს პროექტებთან დაკავშირებით ინფრასტრუქტურულ ნაწილს მთლიანად მერია იღებდა თავის თავზე. შარშან კულტურის სამინისტროს ჩვენ მივმართეთ ოფიციალური წერილით, თუმცა უარი მივიღეთ. მათი თქმით, ბიუჯეტში არ აქვთ იმდენი თანხა, რომ დააფინანსონ ჩვენი ფესტივალები და მუსკილაური საღამოები.
არის თუ არა კონკრეტული კომპანია, რომელსაც კულტურის პალატა და სამინისტრო აფინანსებენ?
– კულტურის სამინისტრო ღიად უცხადებს მხარდაჭერას „Eastern“ პრომოუშენს. ამ კომპანიის დამფუძნებლები გახლავთ მინისტრი და მინისტრის მოადგილე, თუმცა ინტერესთა კომფლიქტის გამო სავარაუდოდ წილი დათმობილი აქვთ.
ჩვენს ქვეყანაში, რამდენად შემოსავლიანი ის ბიზნესი რასაც თქვენ ემსახურებით, თუ გყავთ სპონსორები?
– როგორც სახელმწიფოა არამდგრადი ისეა სპონსორებიც. თუმცა ჩვენი მთავარი პარტნიორები, მაინც კერძო კომპანიები არიან და მათი დახმარებით ვახორციელებთ ჩვენს პროექტებს. “Tbilisi open air”-თან თანამშრომლობა ნებისმიერ კომპანიას უღირს.
როგორია კონკურენცია ელექტრუნული მუსიკის ბაზარზე?
შეიძლება ცოტა ხმამაღალი განაცხადი იყოს, მაგრამ მე ვფიქრობ რომ “Altervison” ჯგუფს პირდაპირი კონკურენტი არ ჰყავს. სხვა ივენთ კომპანიები, მხოლოდ ელექტრონული მუსიკის პრომოუშენით არიან დაკავებულები და მათი ივენთები გათვლილია დაახლოებით 2000 კაცზე. ჩვენ უფრო მასშტაბურ ფესტივალებზე ვართ გადასული, 15000 კაცი და უფრო ზემოთ.
თითქმის ყველა ელექტრონული მუსიკის ფესტივალი იმართება თბილისში. რას ფიქრობთ რეგიონებში მსგავსი პროექტის ჩატარებაზე და ხომ არ შედის ეს თქვენს სამომავლო გეგებში?
– ჯერ-ჯერობით დაგეგმილი არ გვაქვს თბილისის გარდა სხვა ქალაქში ფესტივალის ჩატარება, თუმცა ვფიქრობთ სეზონის შესაბამისად სად რა შეიძლება გაკეთდეს. ჯერ მხოლოდ მაინც თბილისზე ვართ კონცენტრირებული.
რას გვეტვყით ფასებზე? რამდენად ხელმისაწვდომია ის თქვენი მომხმარებლისთვის?
შემიძლია ვთქვა, რომ ქართველი მსმენელი მყიდველუნარიანია. ფასები ჩვენთან საკმაოდ ხელმისაწვდომია, იმას თუ გავითვალისწინებთ როგორი დონის არტისტები ჩამოგყვავს.
რას ურჩევდით საზოგადოებას და ხომ არაფერს ეტყოდით სახელმწიფოს?
– მე ვფიქრობ, რომ ასეთი ტიპის ფესტივალი ძალიან ხშირად უნდა ტარდებოდეს. ადამიანი წყდება ყოვედღიურ რუტინას და ექმნება პირობები განიტვირთოს, მოუსმინოს მუსიკას და შეხვდეს სხვადასხვა ტიპის ადამიანებს. კულტურის სამინისტროს კი ვურჩევდი სწორად გაანაწილოს პრიორიტეტები და ნაკლებად მიკერძოებულები იყვნენ.
კომპანია “Next events” მხოლოდ ელექტრონული მუსიკის პრომოუშენს ახორციელებს. ის ბაზარზე ახალი შემოსულია და უკვე ჩაატარა საკმაოდ დიდი რამდენიმე ღონისძიება. კომპანიის წარმომადგენელი ნინო ბარკალია ამბობს, რომ ბიზნესს, რომელსაც აქვს ძალიან მცირე ფინანსური მხარდაჭერა შეუძლებელია იყოს მომგებიანი.
„კულტურის სამინისტროსა და კულტურის პალატას ჩვენს კომპანიასთან არ უთანამშრომლია. რამდენადაც ჩვენთვის ცნობილია, მათ ჰყავთ თავიანთი ივენთ მენეჯერები, რომლებიც თავად აკეთებენ სხვადასხვა ღონისძიებებს. სახელმწიფოს ვურჩევდი, უფრო ხშირად ჩაერთონ მსგავს ღონისძიებებში, რადგან საქართველოში ელექტრონული მუსიკის განვითარება აუცილებელია. სახელმწიფოს ჩართულობით შესაძლებელია მეტად გრანდიოზული და საინტერესო ღონისძებების ჩატარება, რითაც არ ვართ განებივრებულნი,“ – აცხადებს კომპანია “Next events-ის წარმომადგენელი.
ივენთ კომპანია „Bassiani” – „კულტურის პალატის შესახებ ძალიან ცოტა ინფორმაცია გამაჩნია. შესაბამისად, წარმოდგენა არ მაქვს თუ რის მიხედვით არჩევენ „line up”, რომელიც ხარისხით არ გამოირჩევა. ასევე არ ვიცი საიდან ფინანსდებიან… თუ ისინი სახელმწიფო დოტაციაზე იმყოფებიან, მაშინ რა თქმა უნდა ჩნდება კითხვები.“
„თბილისი თაიმსი“ ასევე დაუკავშირდა საქართველოს კულტურის პალატას იმის გასარკვევად თუ, საიდან ფინანსდება ის და რა კრიტერიუმებით ირჩევა კომპანიები მათ მიერ. როგორც პალატის წარმომადგენელმა დათო ფუტურიძემ გვითხრა, ისინი ფინანსდებიან საქართველოს სავაჭრო სამრეწველო პალატის მიერ.
კულტურის პალატაში აცხადებენ, რომ ივენთ კომპანიებს მათთვის არასდროს არ მიუმართავთ დახმარებისთვის.
ჩვენ ასევე დაუკავშირდით საქართველოს სავაჭრო სამრეწველო პალატას თუმცა მათ კითხვებზე პასუხის გაცემას თავი აარიდეს.
მასალა მოამზადა
ნათია ლალიაშვილმა
