როგორ გადავაქციოთ ერთი ჩვეულებრივი დღე არაჩვეულებრივად?! რაც ყველას მოგვწონს და სიამოვნებას გვანიჭებს ეს თავის მოვლაა, დღეს ამის საშუალებას ბევრი სალონი გვაძლევს გავიკეთოთ კარგი მაკიაჟი და სასურველი ვარცხნილობა. ასევე, თითოეული ქალბატონი დიდ მნიშვნელობას ანიჭებს მომსახურეობას და კომფორტს. ალბად ყველა დამერწმუნება დღეს უამრავი სილამაზის სალონია გახსნილი და ყველა მათგანი ცდილობს განსაკუთრებული მომსახურება გაწიოს რათა ჰყავდეს ბევრი მომხმარებელი.
დრევანდელი ბლი-გამოკითხვა სილამაზის სალონების ბაზარს დაეთმო. გამოიკითხა 13 სილამაზის სალონი. კომპანიების უმეტესობა მომხმარებლის შემცირებას უჩივის და აცხადებენ, რომ ეს პრობლემა დოლარის კურსის ცვლილებამ გამოიწვია. გამოკითხული სალონის ნაწილი ფასს უცვლელად ტოვებს, ნაწილის განცხადებით კი, მათთან მომსახურების ფასი მცირედით მაგრამ გაიზარდა.
გამოკითხვის შედეგები ასე გამოიყირება:
ნატალი
„ჩვენი სალონი ჯერ-ჯერობით ფასებს არ გააძვირებს, მაგრამ როდემდე შევძლებთ ამას არ ვიცით. ეს ბიზნესი საქართველოში საშუალოდ მომგებიანია. სხვა სალონებისგან გამოვირჩევით კარგი მომსახურებით, სპეციალისტებითა და ხარისხიანი პროდუქციით. წელს მომხმარებელმა დაიკლო, დოლარის კურსის ცვლილების გამო.“
ზიზი
„ჩვენ მომსახურება არ გაგვიძვირებია და წლებია რაც იგივე მომხმარებელი გვყავს. მომხმარებელმა დაიკლო, მაგრამ უკვე იმდენად ცნობადია სალონი გვიღირს, რომ ასე ვიმუშაოთ.“
მელანჟი
„დოლარის კურსის ცვლილებას ჩვენს ფასებზე არ უმოქმედია, ჩვენ მომხმარებელს ვთავაზობთ ხარისხიან მომსახურებას, რაც შეეხება მომხმარებლის რიცხვს იგივე რჩება.“
ფრანკ პროვო
„ფასებს სტაბილურად ვინარჩუნებთ, ჩვენს მომხმარებელს ვთავაზობთ განსაკუთრებულ ტექნიკასა და მომსახურებას. საქართველოში ეს ბიზნესი, მომგებიანი არაა და მომხმარებელმაც დაიკლო. რაც შეეხებათ ჩვენს კონკურენტებს ესენია: „ისი პარი’’ და „დესანჟი’’
თმის სახლი
„ფასებს იმავეს ვტოვებთ, ჩვენთან განსაკუთრებული ისაა, რომ თმებს ვაგრძელებთ ნატურალური თმით, ხშირად გვაქვს სიახლეებიც რაც მომხარებელს იზიდავს და მათი რიცხვიც იზრდება ნელ-ნელა. კონკურენტად კი არც ერთ სალონს არ ვთლით.“
გლამური
„ამ ეტაპზე მომსახურებას არ ვაძვირებთ, მომხმარებლის რიცხვიც იგივე რჩება, მათ მოსწონთ ჩვენი სტილისტები.
შარმი
„ჩვენს სალონს ფასები არ გაუზრდია, ვფიქრობ გამოვირჩევით მომსახურებითა და კარგი პირობებით. ეს ბიზნესი საქართველოში მომგებიანი არ არის. მომხმარებელი შემცირდა.“
გრაცია
„ჩვენი სალონი ტოვებს იგოვე ფასებს. უკვე დიდი ხანია რაც სალონი გრაცია არსებობს, ყველა სალონს კი თავისი კლიენტი ჰყავს, რაც შეეხება მომხმარებლის რიცხვს არ შეცვლილა.“
ისი პარი
„ჩვენ სალონს ფასები არ გაუზრდია, მომხმარებლის რიცხვიც იგივეა, მომსახურების დონე მაღალია და არც ერთ სალონს არ ვთვლით კონკურენტად.“
ბიუთი
„ჩვენ ვცდილობთ შევინარჩუნოთ იგივე ფასები და არ გავაძვიროთ მომსახურება, ჩვენთან საუკეთესო გარემოა. მომხმარებელმა დაიკლო.“
ს -ფორმულა
„სალონმა მომსახურება მინიმალურად გააძვირა, რადგან გაძვირდა პროდუქციის ფასი რომელსაც ვყიდულობთ. სამწუხაროდ მომხმარებელმა იკლო. რაც შეეხებათ კონკურენტებს, არც ერთს არ ვთვლით კონკურენტად, ყველას თავისი კლიენტი ყავს და ჩვენც ჯანსაღად ვუყურებთ ამ ყველაფერს.“
ჰებე
„ფასებს იგივეს ვტოვებთ, მაგრამ კლიენტი რომელიც კვირაში ერთხელ შემოდიოდა, ეხლა თვეში ერთხელ გვსტუმრობს, რაც დოლარის კურსის ცვლილების გამო მოხდა. ჩვენი კონკურენტია ნატალი.“
ლა ბელ მედიქალი
„ჩვენი სალონი ფასებს უცვლელად ინარჩუნებს. ორი წელია რაც სალონი ფუნქციონირებს და მომხმარებლის რიცხვიც იზრდება. ეს ბიზნესი საქართველოში მეტ-ნაკლებად მომგებიანია. კონკურენტად არც ერთ სალონს არ ვთვლით.“
ესაუბრა
სალომე აფხაზაშვილი
