გერმანიის კანცლერი ანგელა მერკელი ერთსქესიანთა ქორწინების წინააღმდეგ გამოდის, – ამის შესახებ The Independent წერს.
როგორც პოლიტიკოსი აცხადებს, მისთვის კატეგორიულად მიუღებელია ნებისმიერი სახის დისკრიმინაცია და მიიჩნევს, რომ ჰომოსექსუალმა წყვილებმა იგივე შეღავათებით უნდა ისარგებლონ, მათ შორის, საგადასახადოც.
“ჩვენ მაინც უნდა დავინახოთ განსხვავება. ქორწინება შეიძლება ეწოდოს მხოლოდ კაცსა და ქალს შორის კავშირს”, განაცხადა მერკელმა.
ანგელა მერკელი ცნობილია თავისი ქრისტიანობით, არის კონსერვატიული ქრისტიან-დემოკრატიული პარტიის ლიდერი. ასევე ცნობილია, რომ ევროკავშირის კონსტიტუციაზე მსჯელობისას, მერკელმა ევროპელებს შესთავაზა კონსტიტუცია დაყრდნობოდა ქრისტიანობას, როგორც ევროპული კულტურისა და ცივილიზაციის ძირითად ფუნდამენტურ ფასეულობებს.
