საქართველოს პრეზიდნეტი გიორგი მარგველაშვილი აეროპორტში ავღანეთში დაღუპული სამხედროს საქართველოში ჩამოსვენების ცერემონიალს დაესწრო.
პრეზიდენტმა რიგითი ვასილ ყულჯანიშვილის ოჯახის წევრებს, მის თანამებრძოლებს, შეიარაღებულ ძალებს მიუსამძიმრა.
“დღეს მძიმე დღეა მთელი საქართველოსთვის, მაგრამ, პირველ რიგში, მინდა ოჯახს მივმართო და მივუსამძიმრო. მინდა დიდი მადლობა ვუთხრა ასეთი გმირის გაზრდისთვის. ასევე, მინდა მივუსამძიმრო იმ ბიჭებს, რომლებიც დარჩნენ ავღანეთში და დაკარგეს თანამებძროლი. მინდა ვუთხრა, რომ ჩვენ გვესმის მათი ტკივილის. ასევე, შეიარაღებულ ძალებს მინდა ვუთხრა მადლობა იმ სამსახურისთვის, რომელსაც ქართული არმია დღეს ქვეყნისთვის აკეთებს. ასეთი ჯარისკაცებით არის ძლიერი ქვეყანა და ვიქნებით მომავალში, სწორედ ასეთი ძლიერი ბიჭების ხარჯზე”, – განაცხადა პრეზიდენტმა.
