საქართველოს პრემიერმინისტრი თურქეთში მომხდარი ტრაგედიის გამო ქვეყანას უსამძიმრებს.
“დიდი მწუხარება მინდა გამოვთქვა იმ შემზარავი ტრაგედიის გამო, რომელიც თავს დაატყდა თურქეთს. ქალაქ სომას მაღაროში მომხდარ აფეთქებას 200-ზე მეტი ადამიანი ემსხვერპლა, არიან დაშავებულები, ასობით ნანგრევებშია მოყოლილი.
საქართველოს მთავრობის სახელით სამძიმარს ვუცხადებ და თანავუგრძნობ თურქეთის რესპუბლიკის მთავრობას, მთელ თურქ ხალხს, დაღუპულთა ოჯახებს და გამძლეობას ვუსურვებ ამ დიდი განსაცდელის დროს. იმედი მაქვს, მოხერხდება ნანგრევებში მოყოლილი ადამიანების ცოცხლად გამოყვანა და მათი გადარჩენა”,- ნათქვამია განცხადებაში, რომელსაც საქართველოს მთავრობის ოფიციალური გვერდი ავრცელებს.
ცნობისათვის, თურქეთში, ქალაქ სომას მაღაროში მომხდარი აფეთქების შედეგად 200-ზე მეტი ადამიანი დაიღუპა.
14.05.14
