„მაინცდამაინც 70 ადამიანი უნდა ვიყოთ პარლამენტში,რომ დაგვეჯერებოდეს? ჩვენ ავიღეთ ჩვენ თავზე მოსინჯვა, დაზვერვა, პირველი კონტაქტების დამყარება. გვინდა შევამზადოთ ფონი,სიტუაცია“ , – ამის შესახებ „პატრიოტთა ალიანსის“ წევრმა, ადა მარშანიამ „ტვ პირველის“ ეთერში ისაუბრა.
„დელეგაცია,რომელიც ჟენევაში დადის, გადასახალისებელია. სისტემატურად უნდა ვიაროთ როგორც მოსკოვში, ასევე ვაშინგტონში,რომ გავაგებინოთ ამერიკელებს თუ რა გვჭირს და რა უბედურებაა აფხაზეთსა და ცხინვალში. 24 წელი არის უძრაობა ამ საკითხებში. უშიშროების საბჭო არის გასაძლიერებელი, იქ უნდა იყოს სტრატეგიულიი შტაბი, თუ როგორ დავიბრუნებთ ტერიტორიებს, უნდა დაიწეროს საჯარო და საიდუმლო გეგმა.
უხერხულია ის,რომ არ ვეძებოთ გასაღები მოსკოვში და ვთქვათ,რომ მაინც არაფერი გამოვა, იქ უნამუსო ხალხი ცხოვრობს, მათ ნება არ აქვთ. სანტერესოა ჩვენ რა ნება გვაქვს და სად არის მიწა-წყლის პატრონობა. გააზრებული გვაქვს თუ მხოლოდ მოვალეობას ვიხდით, ჩვენ ცუდად ვპატრონობთ ჩვენს ქვეყანას და ამის გამო არ ვართ იქ დაბრუნების ღირსი.რუსეთმა პიროვნულ დონეზე უნდა დაინახოს,რომ ჩვენ არ დავუთმობთ, უნდა დაინახონ მიწა-წყლის პატრონი“ , – განაცხადა ადა მარშანიამ.
მანანა ღოღობერიძე
