ზოგიერთ ქალს მამაკაცები საჩუქებს ყოველდღე ჩუქნიან, ახარჯავენ ფულს, ზოგს კი მხოლოდ დაბადების დღეზე თუ მიართმევენ თაიგულს. თუ მეორე კატეგორიას მიეკუთვნებით, თქვენთვის 6 რჩევა გვაქვს, რაც თქვენს რჩეულს გულუხვსა და ყურადღებიან გახდის.
გიხაროდეთ საჩუქარი თუ მამაკაცი ნახავს, რომ მის მიერ მორთმეულ საჩუქარს ბავშვივით შეხარით, მორიგი სიურპრიზის მოწყობის სურვილიც გაუჩნდება.
სთხოვეთ დახმარება თუ თავად “რკინის ლედი” ხართ, მამაცი რაინდიც რომ გყავდეთ გვერდით თქვენი დამოუკიდებლობისა და ყოვლისშემძლეობის გამო ყველაფრის გაკეთების სურვილს დააკარგვინებთ. ამიტომ, იყავით სუსტი არსება, მოითხოვეთ დახმარება.
მამაკაცმა უნდა იგრძნოს, რომ საჭიროა თქვენთვის.
გამოხატეთ მადლიერება უმნიშვნელო საჩუქრისთვისაც კი უნდა იყოთ მადლიერი. თუ საჩუქრის გამო მადლობასაც არ ეტყვით, ყველაზე ხელგაშლილ მამაკაცსაც კი მომჭირნედ და ძუნძად აქცევთ.
თუ გსურთ, საყვარელი ადამიანი უფრო მეტ ფულს გახარჯავდეთ, იყავით მის მიმართ მადლიერი, ყურადღებიანი. მამაკაცს თქვენთვის საჩუქრის მორთმევის სურვილი გაუჩნდება, თუ ეტყვით: “ძალიან გამეხარდებოდა, ხშირ-ხშირად რომ მჩუქნიდე საჩქურებს, ჩემთვის ძალიან ბევრს ნიშნავს შენი ყურადღება”.
ილაპარაკეთ საკუთარ სურვილებზე მამაკაცს მიხვედრა კი არა, პირდაპირ თქმა სჭირდება, რათა გაჩუქოთ ის, რაზეც ოცნებობთ. ლამაზად აუხსენით თუ რა გჭირდებათ და რაში გამოიყენებთ მას.
იოცნებეთ თუ კითხვაზე, “ძვირფასო, დაბადების დღეზე რა გაჩუქო”, უპასუხებთ: “მე ყველაფერი მაქვს, ფული არ დახარჯო”… ეგრეც იცოდეთ, რომ ვერც წელს და ვერც მომდევნო დაბადების დღეებზე საჩუქარს ვერ მიიღებთ. ამიტომ, ჩამოყალიბდით (თქვენზე უკეთ მისი მატერიალური შესაძლებლობები ვის ეცოდინება?..), რისი მიღება გსურთ საყვარელი მამაკაცისგან და დაუფარავად უთხარით.
გამოიჩინეთ გულუხვობა თუ გსურთ, რომ მამაკაცი თქვენ მიმართ გულუხვი იყო, თავადაც უნდა გაანებივროთ საჩუქრებით.
მიზეზით და უმიზეზოდ მოუწყვეთ სიურპრიზები და აგრძნობინეთ, რომ მისგანაც სიამოვნებით მიიღებდით საჩუქრებს…
