მსოფლიოში საუკეთესო სამუშაო – როგორია ის? შტატ იუტაში, სამთო-სათხილამურო კურორტის ადმინისტრაცია ირწმუნება, რომ ამ კითხვაზე პასუხი აქვთ და სწორედ ასეთ სამუშაოს გვთავაზობენ ისინი.
კურორტ Canyons-ის მფლობელები აცხადებენ კონკურსს ვაკანსიაზე, რომელსაც ისინი მსოფლიოში საუკეთესოდ თვლიან და მათ ამისათვის ყველანაირი საფუძველი აქვთ! ადამიანს, რომელსაც ამ სამუშაოსთვის აიყვანენ, ევალება, 4 თვე უფასოდ ისრიალოს კურორტის თოვლიან მთებზე და წაიყვანოს ბლოგი ინტერნეტში, სადაც დაწერს, რა არაჩვეულებრივად ატარებს დროს.
მას უფასოდ გადასცემენ სპეციალურ ტანსაცმელს და სათხილამურო მოწყობილობას, ფოტოაპარატს, ვიდეოკამერასა და ნოუთბუქს. ბონუსების სახით ამ ადგილზე დასაქმებულს ექნება აბონემენტი სპა-ცენტრში, უფასო სწავლება სამთო-სათხილამურო სკოლაში, დაზღვევა და ყველა იმ ღონისძიებასა თუ საღამოზე მოსაწვევი, რომელიც კურორტზე ამ ოთხი თვის განმავლობაში გაიმართება. სეზონის ბოლოს მუშაკს გადაუხდიან ხელფასს – 40 000 დოლარის ოდენობით.
იმისათვის, რომ ეს სამუშაო ადგილი მიიღონ, მსურველებმა უნდა დაწერონ პატარა ესე საკუთარი თავის შესახებ, გადაიღონ და მიაწოდონ ადმინისტრაციას 2-წუთიანი ვიდეორგოლი ასევე საკუთარ თავზე და რაღა თქმა უნდა, უნდა ჰქონდეთ აშშ-ში მუშაობის უფლება. მასალა: marao.ge
