მუნირა მირზოევა ჩვეულებრივი გოგონაა დუშანბედან, რომელიც მსოფლიოს ულამაზესი გოგონების სიაში მოხვდა.
მისი ფოტო, რომელზეც ის სამუშაო ფორმაში გამოწყობილია, საიტმა The Atlas of Beauty-მ გამოაქვეყნა – ამ საიტზე მსოფლიოს ულამაზესი ქალბატონების ფოტოები ხვდება.
მისი შემქმნელი მიხაელა ნოროკი მთელ მსოფლიოს უვლის და ბრბოში ეძებს ლამაზ ფოტოებს. მას ბუნებრივი სილამაზე იზიდავს, არა პლასტიკური და კოსმეტიკური.
მუნირაც ასეთია. 19 წლის გოგონა მრავალშვილიანი ოჯახიდან არის. ექიმობაზე ოცნებობდა და უნივერსიტეტში უნდოდა ჩაბარება, მაგრამ ოჯახურმა მდგომარეობამ ვერ შეუწყო ხელი, ფული სჭირდებოდათ და მეეზოვედ დაიწყო მუშაობა. პარალელურად ქუჩების გამწვანებაზეც მუშაობს და თავად ინახავს 7-სულიან ოჯახს.
