ალბათ ბავშვობაში ხშირად გიოცნებიათ მანქანებზე, რომლებიც თვითონ დადიან და თქვენ არაფრის გაკეთება გიწევთ – ოცნება რეალობად იქცა და უკვე 2020-2025 წლებისთვის მსოფლიო მოსახლეობა თვითმავალ მანქანებზე გადავა. მთავარია, თქვენ მანქანას უბრძანოთ, თუ სად წავიდეს და ის თავისით გაიკვლევს გზას.
,,ჩვენ ტექნოლოგურად უკვე ყველაფერი დავხვეწეთ და რამდენიმე წლის შემდეგ ეს მანქანები უფრო მასობრივად გავრცელდება“ – აღნიშნავს თვითმავალი ავტომობილების ერთ-ერთი ტექნოლოგი, ენდრიუ პოლიაკი.
ამერიკული კომპანია Google უკვე წლებია, რაც თვითმავალ ავტომობილებზე მუშაობს. ეს მანქანა უკვე გამოიცადა ამერიკის შეერთებულ შტატებში, კერძოდ, კალიფორნიაში. ტრანსპორტს არც საჭე და პედლები არ აქვს.
Google-ს ინფორმაცით, ამ მანქანამ უკვე თითქმის 2 მილიონი კილომეტრი გაიარა. საშუალოდ, ადამიანი ამ მანძილს 90 წლის განმავლობაში ფარავს. იხილეთ ვიდეო, სადაც Google-ს თვითმავალი მანქანაა ნაჩვენები.
ნატალია ჯალაღონია
