ფინეთის საჰაერო სივრცეში რუსეთის მხრიდან ვერტმფრენი შეიჭრა.
როგორც ადგილობრივი მედია იტყობინება, ინციდენტი 10 დეკემბერს მოხდა. არაიდენტიფიცირებული ვერტმფრენი ფინეთის ტერიტორიის დაახლოებით 9 კილომეტრის სიღრმეზე შევიდა. ქვეყნის სამხედრო-საჰაერო ძალების გაფრთხილების შემდეგ, ვერტმფრენი რუსეთში დაბრუნდა.
სასაზღვრო სამსახურის ცნობით, საფრენი აპარატის ფრენა დაახლოებით 6 წუთს გაგრძელდა.
როგორც დასავლური მედია აღნიშნავს, ბოლო ორი წლის განმავლობაში რუსულმა სამხედრო თვითმფრინავებმა ფინეთის საჰაერო სივრცე არაერთხელ დაარღვიეს, რამაც აქტუალური გახადა დისკუსია ფინეთის ნატო-ში გაწევრიანების შესახებ.
