ღვინის ეროვნულმა სააგენტომ ღვინისა და ალკოჰოლიანი სასმელების 9 თვის ექსპორტის შესახებ მონაცემები ოქტომბრის თვეში გამოაქვეყნა. მონაცემების თანახმად, 2015 წლის 9 თვის განმავლობაში,საქართველოდან მსოფლიოს 41 ქვეყანაში ექსპორტირებულია 25 მილიონამდე ბოთლი ღვინო.
ექსპორტიორი ქვეყნების პირველი ხუთეული ასე გამოიყურება: რუსეთი, ყაზახეთი, უკრაინა, ჩინეთი და პოლონეთი.
2015 წელი ნაყოფიერი აღმოჩნდა კომპანიისთვის „ასკანელი ძმები“.მის მიერ დამზადებულმა საფირმო ღვინოებმა, ქალაქ ვილნიუსში გამართულ ღვინის საერთაშორისო გამოფენაზე „VYNO DIENOS 2015“ განსაკუთრებული მოწონება დაიმსახურა. კომპანიას წარმოდგენილი ჰქონდა 10-მდე დასახელების ღვინო, მათ შორის, ტრადიციული ქართული მეთოდით დამზადებული „მანავი“, „საფერავი პრემიუმი“, „რქაწითელი ქვევრი“, ჭაჭა და ოთხი დასახელების ბრენდი.
„თბილისი თაიმსსთან“ ქართული ღვინის, „ასკანელი ძმების“ 2015 წელი კომპანიის ადამიანური რესურსების მენეჯერმა, ხატია ხატიაშვილმა შეაჯამა.
როგორ შეაფასებთ 2015 წელს?
– რუსეთისა და უკრაინის ბაზრებზე, ყველასთვის ცნობილი მიზეზების გამო, შექმნილი რთული ეკონომიკური მდგომარეობის გამო, ქართულ ღვინის კომპანიებს და მათ შორის, „ასკანელ ძმებს“ გაყიდვების კუთხით, მიმდინარე წელს სირთულეები შეექმნა, ვინაიდან ამ დრომდე ეს ბაზრები, პირველ ადგილს იკავებდა თავისი მნიშვნელობით.
თუმცა, სწორად დაგეგმილი სტრატეგიითა და კარგად გათვლილი მარკეტინგული აქტივობით, ჩვენმა კომპანიამ აღნიშნული პრობლემების დაძლევა შეძლო და უკვე არსებულ ალტერნატიულ ბაზრებზე ასორტიმენტის გაფართოებითა და ახალი ბაზრების მოძიებით გაყიდვების მაჩვენებლის დაბალანსება შეძლო.
ექსპოტის მხივ თუ გაქვთ სიახლეები, რამდენ ქვეყანაში გადის თქვენი ღვინო, (რაქვეყნებია), ყველაზე დიდი მაჩვენებელი გაყიდვების რომელ ქვეყანაში დაფიქსირდა?
– „ასკანელ ძმებს“ საზღვარგარეთ გაყიდვების მრავალწლიანი გამოცდილება აქვს. დღემდე ჩვენ მიერ წარმოებული უმაღლესი ხარისხის ღვინო, ჭაჭა და კონიაკი 15-ზე მეტ ქვეყანას მიეწოდება, რომელთა შორისაა ევროპისა და აზიის სხვადასხვა ქვეყანა, ასევე კანადა, რუსეთი, აშშ.
მიმდინარე წელს გაყიდვების ყველაზე მაღალი მაჩვენებელი დაფიქსირდა ჩინეთში. გაყიდვების კუთხით ჩვენი ორიენტირი ამჟამად სწორედ ამ ქვეყანაზეა აღებული, თუმცა ჩვენთვის ყველა ბაზარი ძალზედ მნიშვნელოვანია.
ადგილობრივ ბაზარზე რა წილი გიკავიათ (პროცენტული მაჩვენებელი) მთავარ კონკურენტად, რომელ კომპანიას მოიაზრებთ?
– ჩვენი კომპანიისთვის, ადგილობრივი ბაზარი არსებულ ნებისმიერ ბაზარზე ანარაკლებ დიდი მნიშვნელობისაა. როდესაც საუბარი ეხება ისეთ პროდუქციას, როგორიცაა ღვინო, ბრენდი და ჭაჭა, ვფიქრობთ ნებიმისმიერი ქართული მწარმოებლისთვის მნიშვნელოვანია, რომ პირველ რიგში, სწორედ ქართველი მომხმარებლის მოთხოვნები დააკმაყოფილოს, გამომდინარე იქედან, რომ საქართველო ღვინის სამშობლოდ მოიაზრება და ჩვენს ქვეყანაში ღვინის კულტურა უმაღლეს მაჩვენებელს უტოლდება.
ქართულ ბაზარზე ჩვენი წარმომადგენლობა საკმაოდ მაღალია. შეგვიძლია აღვნიშნოთ ის ფაქტიც, რომ მომხმარებელში ის საკმაო დიდი პოპულარობით სარგებლობს.
რაც შეეხება კონკურენტ კომპანიებს, ჩვენთვის სხვა კომპანიების მიერ მომხმარებლისთვის შეთავაზებული ნებისმიერი სიახლე ერთგვარ გამოწვევაა, თუმცა „ასკანელ ძმებს“ აქვს თავისი ნიშა და ეს არის – უმაღლესი ხარისხი და წარმოებული პროდუქციის სრული შესაბამისობა არსებულ სტანდარტრბთან.
რა სიახლეებია მომავალი წლისთვის დაგეგმილი?
– მომავალი წლიდან „ასკანელი ძმები“ ახალი ენერგიითა და განახლებული მარკეტინგული აქტივობით შეუდგება მუშაობას.
მომავალი წლიდან ვგეგმავთ გავაფართოვოთ ჩვენი წარმომადგენლობა სხვადასხვა ბაზარზე, იგეგმება გარკვეული მარკეტინგული აქტივობები მათ შორის საქართველოშიც. ვგეგმავთ პროდუქციის ასორტიმენტის გაფართოებასაც, რის შედეგადაც მომხმარებელს საშუალება ექნება დააგემოვნოს ახალი ტექნოლოგიებითა და ძველი მეთოდების შერწყმით დამზადებული ახალი ღვინოები.
სამწუხაროდ, წინასწარ ვერ გეტყვით თუ რა პროდუქციაზეა კონკრეტულად საუბარი, მაგრამ შემიძლია გითხრათ, რომ ჩვენი ერთგული მომხმარებელი „ასკანელი ძმების“ მიერ შეთავაზებული სიახლეებით კმაყოფილი დარჩება. და ბოლოს, „ასკანელი ძმების“ სახელით, „თბილისი თაიმსსა“ და სრულიად საქართველოს გვინდა მოგილოცოთ დამდები შობა-ახალი წელი და გისურვოთ ბედნიერება, წარმატება და რაც მთავარია, გამთლიანება.
ნათია კეკენაძე
