კომპანია „შუხმან ვაინს ჯორჯია“ ყურძნის წიპწის ზეთის წარმოებას იწყებს.
თავდაპირველად პროდუქტი „შუხმან ვაინს ჯორჯიას“ ქსელში იქნება წარმოდგენილი, პირველ ეტაპზე, მისი გამოყენება კახეთში, შუხმანის სასტუმროსა და თბილისში „შუხმან ვაინ ბარში“ დაიწყება.
კომპანიის წარმომადგენლების თქმით, ეს ექპერიმენტული პროექტია, რადგან მომხარებლის რეაქცია,ჯერჯერობით, უცნობია. ამიტომ კომპანია წარმოებას მცირე რაოდენობით დაიწყებს და შემდეგ უკვე მოთხოვნასთან ერთად გაზრდის წარმოებას.
ყურძნის წიპწის სასარგებლო თვისებები ცნობილი იყო საუკუნეების განმავლობაში, ის ფართოდ გამოიყეებოდა ხმელთაშუაზვისპირეთის კულინარიაში, ფრანგულ და იტალიურ კოსმეტოლოგიაში.
სამედიცინო შემოწმებებით დადგენილია,რომ ყურძნის წიპწისგან მიღებული ზეთი დიდი რაოდენობით ბიოლოგიურად აქტიურ ნივთიერებებს შეიცავს. როგორ ცნობილია ზეთის 70%-ს შეადგენს ლინოლეის მჟავა, რომელიც ატენიანებს და აუმჯობესებს კანის რეგენერაციულ პროცესებს.
„თბილისი თაიმსს“ დეტალებით კომპანიის სამომავლო გეგმებთან, წიპწის ზეთის წარმოების პროცესთან და მის სხვა სასარგებლო თვისებებთან დაკავშირებით კომპანია „შუხმან ვაინს ჯორჯიას“ გენერალური დირექტორი ნუცა აბრამიშვილი ესაუბრა.
საიდან გაჩნდა იდეა,რომ კომპანია „შუხმან ვაინს ჯორიას“ წიპწის ზეთის წარმოება დაეწყო?
– კომპანია „შუხმან ვაინს ჯორჯია“ მუდმივად ცდილობს მომხარებელს შესთავაზოს ახალთახალი სერვისები, პროდუქტები და ინოვაციები. ჩვენ ვემსახურებით ტურიზმს, სოფლის მეურნეობას, რაც უფრო საინტერესოა სერვისები მით უფრო საინტერესოა მომხარებლისთვის პროდუქცია, რასაც ჩვენ ვთავაზობთ. აქედან გამომდინარე, ჩვენს კომპანიაში შევქმენით ინფრასტრუქტურა, რომელიც ემსახურება ტურისტებს, როგორც ადგილობრივს, ისე საერთაშორისოს, ასევე გვაქვს რესტორანი, სასტუმრო და ახლა ვიწყებთ სპის შექმნას.
სპის კონცეფციის ფიქრის დროს, გავითვალისწინეთ, რომ გვაქვს ორი რესტორანი, ერთი თბილისში და კახეთში, შატოში არსებული რესტორანი. ორივე რესტორანში გვაქვს საკუთარი პროდუქტი, ვმუშაობთ ასევე ადგილობრივ ფერმერებთან და ბიოპროდუქტებით ხდება საკვების მომზადება.
ჩვენ გაგვიჩნდა იმის სურვილი,რომ ჩვენვე გვეწარმოებინა ზეთი, რომელიც სასარგებლო იქნებოდა ადამიანებისათვის. მსოფლიოში სპის მიმართულებებში აქტიურად გამოიყენება ყურძნის წიპწის ზეთი. ზეთი სასარგებლოა ჯანმრთელობისთვის და კანისთვის, აქვს დაბერების საწინააღმდეგო და კანის გამაჯანსაღებელი ელემენტები. ჩვენ ვეწევით ეროვნულ საქმიანობას და ქართულ ნაწარმს ვყიდით.
გვინდოდა რომ აგვეთვისებინა ყველა ის რესურსი,რაც წარმოებაში არსებობს და მეორეს მხრივ, შეგვექმნა ქართული პროდუქტი,რომელსაც გამოვიყენებთ ორი მიმართულებით, ერთი ჩვენს სპაში და მეორე გასტრონომიული მიმართულებით. ამ უკანასნკნელს გამოვიყენებთ ჩვენს რესტორნებში და გავავრცელებთ ადგილობრივ ქსელებში.
როგორია უშუალოდ წიპწის ზეთის წარმოების პროცესი?
– წარმოების პროცესი შემდეგნაირია, მისი მიღება ხდება წელიწადში ერთხელ და ემთხვევა, რასაკვირველია, რთველს. რთველის პროცესის შემდეგ,როდესაც ვიღებთ ყურძენს, ყურძენი გადამუშავდება. გაჭყლეტილი ყურძნის სახით ხდება მისი გამორჩევა, აქ საინტერესეო დეტალია ის, რომ გამორჩევა ხდება ე.წ „სეპარატორის“ მეშვეობით, რომელიც არჩევს წიპწას კანისგან.
იქიდან გამომდინარე, რომ ჩვენ ვზრუნავთ ადგილობრივი მოსახლეობის დასაქმებაზე, ვიფიქრეთ, რომ უმჯობესი იქნებოდა, დაგვექირავებინა დამატებითი მუშახელი და წარმოებაში ჩაგვენაცვლებინა „სეპარატორის“ პროცესი.
წელს უკვე მოვაგროვეთ, რამდენიმე ათასი კგ წიპწა. უნდა ითქვას,რომ საკმაოდ შრომატევადი საქმიანობაა, მაგრამ კახეთში, ისევე როგორც საქართველოს სხვა რეგიონებში ძალიან შრომისმოყვარე და მოტივირებული ხალხი ცხოვრობს. დასაქმებულების 99% – ი 60-70 წელს გადაცილებული ქალბატონები არიან, მათი მუშაობა საკმაოდ მაღალპროდუქტიულია. ასე, რომ ჩვენთვითონაც კმაყოფილები ვართ დამატებით 20 ადამიანის დასაქმებით.
რომ გავაგრძელოთ, პროცესის შემდეგი ეტაპია გაშრობა,რომელსაც ვახორციელებთ ტრადიციული მეთოდით, რაც ნიშნავს იმას, რომ მინდვრებზე ვშლით და მზის შუქზე ვაშრობთ, ამ დროს ხდება მზის ენერგეტიკითა და D ვიტამინებით პროდუქტის გაჯერება.
უკვე გამშრალი წიპწას ვპრესავთ, შემდეგ ვფილტრავთ და უკვე დსასრულს მიიღება ნატურალური 100%-იანი ზეთი ყოველგავრი დანამატებისა და მინარევების გარეშე.
წიპწის ზეთს აწარმოებენ ავსტრალია, აშშ, ასევე უნდა ითქვას ისიც, რომ მიღება ძალიან დაბალია, თუმცა ჩვენ გვაქვს ვენახები და უხვადაც რჩება გადამშავებული ყურძენი. გვსურს, რომ ნელ-ნელა გავზარდოთ წარმოება და გავხდეთ მეტნაკლებად კონკურენტუნარიანები.
მომხარებლისთვის, სამომავლოდ, საინტერესო იქნება იცოდეს, თუ რა სასარგებლო თვისებები აქვს წიპწის ზეთს?
– მსოფლიოში არსებობს ორი ათასზე მეტი ყურძნის ჯიში, აქედან 500-ზე მეტი ქართულია. ეს ნიშნავს იმას, რომ ქართულ ენდემურ ჯიშებს აქვთ,განსხვავებით სხვა ქვეყნების ჯიშებისგან, სხვა მახასიათებლები და თვისებები, რომლებსაც, რასაკვირველია, გეოგრაფიული მდებარეობა განაპირობებს.
ჩვენ გვჯერა, რომ ზეთი, რომელსაც ვიღებთ იქნება ნამდვილად უნიკალური. პირველ რიგში, ის შეუწყობს სპის მიმართულებაში კანის გაჯანსაღებას. როგორც ვთქვი, მას გააჩნია გაახალგაზრდავების, გაჭიმვის, დამატენიანებელი თვისებები. მას გამოვიყენებთ სპის პროცედურების დროს და გასტრონომიაშიც.
ის გასტრონომიაში გამოიყენება,როგორც ბალზამი სალათებისთვის, გემო აქვს საკმაოდ განსხვავებული. ზოგადად ევროპაში მაღალი დონის რესტორნებში გამოიყენება წიპწის ზეთი. ამიტომ გვინდა, რომ მომხარებელი მივაჩვიოთ მას გასტრონომიის კუთხითაც.
ვფიქრობ, რომ დაინტერესდებიან რესტორნები და დიასახლისებიც. იმედია ჩავანაცვლებთ ზეითუნის ზეთს, რადგან დანიშნულებითა და ფასთა კატეგორიაში ერთ ნიშას მიეკუთვნებიან.
რეალიზაციის,რა ეტაპებს გაივლის მიღებული პროდუქტი, პირველად, სად შეძლებს მომხარებელი ზეთის დაგემოვნებას, სად გაიყიდება და მისი ფასი რამდენად ხელმისწვდომი იქნება ჩვენი მოსახლეობისთვის?
– პირველ ეტაპზე, გაზაფხულიდან ჩვენს არსებეულ ობიექტებზე სპაში და ორ რესტორანში მოხდება რეალზაცია. შემდეგ უკვე აუცილებლად მოვახდენთ მარკეტინგს, პრომოუშენს და შევთავაზებთ ადგილობრივ რესტრორნებსა და ქსელებს.
აუცილებლად ნაბიჯ-ნაბიჯ ჩვენვე გავტესტავთ, ვნახავთ მომხარებლის რეაქციას და შემდეგ მოთხოვნის გაჩენისთანავე ვიზრუნებთ, რომ ფართო მასშტაბებზე გავიდეთ.
ფასის თქმა ამ ეტაპზე ფიზიკურად არ შემიძლია, ვინაიდან წარმოებას ვიწყებთ გაზაფხულზე, თუმცა იგი ზეითუნის ზეთის ფასის კატეგორიაში გადის. მაგრამ წიპწის ზეთს, როგორც გამაჯანსაღებელ დანიშნულებას სხვა ფასი იქნება.
ექსპორტს, თუ ვარაუდობთ პროდუქტის პირველი ეტაპისთვის,სად, რომელ ქვეყნებში მოხდება რეალიზაცია?
– ჯერჯერობით ადგილობრივად უნდა მოვახდინოთ პრომოუშენი და შემდეგ უფრო ევროპისკენ გავათ. ჩვენი პროდუქცია მაღალ სტანდარტებთან შესაბამისობაშია და შევეცდებით, რომ ევროპაში, სადაც ამ პროდუქტს უკვე იცნობენ, საკმაოდ რთულ ბაზარზე დავიკავოთ დგილი.
როგორია კომპანიის სამომავლო გეგმები ახალ პროდუქტთან დაკავშირებით?
– ზეთის მიღება და გაშრობა უკვე განხორციელდა 2015 წლის რთველის პერიოდში.
ახლა ვაშენებთ მცირე ზომის საწარმოს, ვზრუნავთ ქარხნის მოწყობაზე, საწარმოში მოხდება ზეთის გამოხდა და ჩამოსხმა. ამასთანავე, ვმუშაობთ დიზაინზე და სავარაუდოდ გაზაფხულისთვის გვექნება უკვე პროდუქტი.
ნათია კეკენაძე
