საქართველოს კალათბურთის ნაკრების კაპიტანი და „დალას მავერიქსის“ მოთამაშე ზაზა ფაჩულია „ALL STAR“-ის თამაშში მონაწილეობისთვის იბრძვის.
ზაზა ფაჩულია შუალედურ გამოკითხვებში დასავლეთ კონფერენციის ცენტრებს შორის მერვე ადგილს იკავებს. თუმცა იმისთვის, რომ ფაჩულიამ „ALL STAR“-ში ითამაშოს, საჭიროა სამეულში მოხვედრა. ქართველ კალათბურთელს, ამ დროის მონაცემებით, 194 421 ხმა აქვს მოგროვილი, მესამე ადგლზე მყოფ დრეიმონდ გრინს კი, 332 223 ხმა.
იმისათვის, რომ საქართველოს ნაკრების კაპიტანმა „ALL STAR“-ში თამაში შეძლოს, სოციალური ქსელით აქტიურობა და ყოველდღიურად ხმის მიცემაა საჭირო.
ქართველი და არამარტო ქართველი ქომაგები ყოველდღიურად აქტიურად გულშემატკივრობენ კაპიტანს და ცდილობენ, თითო გადამწყვეტი ხმით, მხარი დაუჭირონ მას.
ხმის მიცემა 10 დღეში დასრულდება NBA-ის ALL STAR-ის შეხვედრა კი, 2016 წლის 12-14 თებერვალს ტორონტოში გაიმართება.
