მარნეულის რაიონში, იმამ ალის სახელობის მეჩეთის საპარასკევო ლოცვის შემდეგ, სრულიად საქართველოს მუსლიმთა უმაღლესი რელიგიური სამმართველოს ორგანიზებით, საპროტესტო აქცია გაიმართა ლოზუნგით ,,არა რადიკალიზმს!“, ,,არა ვაჰაბიზმს!“
აქციის მონაწილეების წინაშე სიტყვით ამავე მეჩეთის ახუნდი – ჰაჯი ჰაჯაევი გამოვიდა და რადიკალიზმი დაგმო. მან ასევე ფონიჭალაში ფახრატ ახმედოვის განზრახ მკვლელობაზე ისაუბრა. როგორც ახუნდიმ განმარტა, ისლამი რადიკალიზმს, ტერორიზმსა და ნებისმეირი სახის ძალადობას კატეგორიულად გმობს. ,,ჩვენ გარდაცვლილის ოჯახს ვუსამძიმრებთ და თუ საჭირო იქნება, ფინანსურად და მორალურადაც, იმამ ალის სახელობის მეჩეთი, ფიკრეტ ახმედობის ოჯახთან იქნება“ – აღნიშნა ახუნდი – ჰაჯო ჰაჯიევმა.
წყარო: newsjey.wordpress.com
ნატალია ჯალაღონია
