გიორგი გაფრინდაშვილი თსუ-ს კანცლერის თანამდებობიდან საკუთარი კანდიდატურის მოხსნას არ აპირებს. როგორც გიორგი გაფრინდაშვილმა ჟურნალისტებთან განაცხადა, ის აკადემიური საბჭოს 9 წევრმა წარადგინა და ყველანაირი უფლება აქვს წარდგეს საბჭოს სხდომაზე კანცლერის თანამდებობაზე.
“აკადემიური საბჭოს 9 წევრმა მხარი დამიჭირა და ყველანაირი უფლება მაქვს წარვსდგე საბჭოს სხდომაზე. რაც შეეხება კანდიდატურის მოხსნას, არ ვაპირებ და მიმაჩნია, რომ ერთადერთი გამოსავალი არის კონსტრუქციული დიალოგი. თუ ის პრიორიტეტები, რომელიც ჩემს გეგმაშია, ვერ პასუხობს სტუდენტების მოთხოვნებს, შესაძლებელია ამის გადახედვა”, – განაცხადა გიორგი გაფრინდაშვილმა.
მისივე თქმით, არ უნდა მოხდეს პროცესების პოლიტიზირება.
