თბილისის სახელმწიფო უნივერსიტეტში დაპირისპირება ამ წუთებში გრძელდება. საგანმანათლებლო დაწესებულებაში შესვლა შეუძლებელია. სტუდენტების ნაწილი და თვითმმართველობა შენობაში იმყოფება და რექტორ ვლადიმერ პაპავას უპირებო თანამდებობიდან გადაყენებს მოითხოვს. მეორე ნაწილი უნივერსიტეტის ეზოში აგრძელებს ყოფნას და თვიმმართველობას პროვოკაციულ ქმედებებში ადანაშაულებს.
როგორც ცნობილი გახდა, სენატის 5-მა წევრმა, მათ შორის, მარიამ გერსამიამ, რექტორის იმპიჩმენტის საკითხი დააყენა.
უნივერსიტეტის ნულოვან სართულზე თვითმმართველობის წევრები არიან განლაგებული და პოზიციებს დათმობას არ პირებენ.
როგორც ირკვევა, სტუდენტების ნაწილმა შენობაში საპირფარეშოების ფანჯრებიდან მოახერხა შესვლა და დემონსტრანტებს შუერთდა.
ეზოში მყოფნი ტრანსპარანტებითა და სხვადასხვა განცხადებით მოუწოდებენ სტუდენტებს გააქტიურებისკენ.
..რეალური ავტონომია უნივერსიტეტს!“, ,,არა მოძალადე თვითმმარველობას!“ – ასეთია თვითმმართველობის ოპოზიციის განცხადებები.
სტუდენტების გაერთიანება ,,აუდიტორია #115“ სხვა უნივერსიტეტების თვითმმართველობებს ადანაშაულებს პროცესებში მიკერძოებულ მონაწილეობაში და ამბობს, რომ ისინი თსუ-ის თვითმმართველბას უჭერენ მხარს.
,,ტექნიკური უნივერსიტეტის თვითმმართველობის წევრები უნივერსიტეტის უკანა ეზოში დგანან და მზესუმზრას ჭამენ, ქაღალდის თვითმფრინავებს გვესვრიან და ძალიან არაეთიკურად იქცევიან. მესმის, რომ ძალიან გინდოდათ აქ მოხვედრა, მაგრამ ჩვენ ვისწავლეთ და აქ მოხვედრა შევძელით. დაგვაცადეთ ჩვენი საქმეები ჩვენ თვითონვე მოვაგვაროთ. უნივერსიტეტი ბირჟა არ არის“ – აცხადებენ საჯარო გამოსვლებში ,,აუდიტორია #115-ის“ წევრი სტუდენტები.
ამ დრომდე ვითარება საკმაოდ დაძაბულია. სტუდენტები შედეგის მიღებამდე არ აპირებენ დაშლას. მათი ნაწილი, რომელიც შენობაშია და გამოსვლას ვერ ახერხებს, საჭმლის მიწოდებას ითხოვს.
ნატალია ჯალაღონია
