“საპარლამენტო უმრავლესობას ჩვენ არ დავანგრევთ”

საპარლამეტო უმრავლესობის წევრის, „რესპუბლიკელი“ ლევან ბერძენიშვილის განცხადებით, თუ ვინმეს ხელოვნურად არ სურს უმრავლესობის დანგრევა, „რესპუბლიკელები“ ამას არ გააკეთებენ.

„იმის მიუხედავად, რომ ჩვენ, სხვებიც და ყველა გავალთ არჩევნებზე დამოუკიდებლად, გვექნება მცდელობა, საკითხები პარლამენტში გადავწყვიტოთ. იმ რეჟიმში, სადაც შესაძლებელია, გადაწყდება უმრავლესობით, ხოლო სადაც ჩვენ არ ვეთანხმებით და არც ადრე ვეთანხმებოდით, ახლა მითუმეტეს, უფრო მკვეთრად დავაფიქსირებთ ჩვენს პოზიციას, დავაყენებთ ჩვეს ალტერნატიულ წინადადებებს. თუკი რამეს არ დავეთანხმებით. ეს არის პარლამენტის მუშაობის ჩვეულებრივი რეჟიმი. თუ ვინმეს ხელოვნურად არ სურს მისი დანგრევა, საპარლამენტო უმრავლესობას ჩვენ არ დავანგრევთ”, – განაცხადა ლევან ბერძენიშვილმა.