საქართველოს პრემიერმინისტრი მამუკა ბახტაძე გაემგზავრა მესტიის მუნიციპალიტეტის სოფელ ჭუბერში.
მთავრობსი პრესცენტრის ცნობით, პრემიერმინისტრი ადგილზე გაეცნობა სტიქიის ზონაში შექმნილ ვითარებას და შედეგების სალიკვიდაციო სამუშაოებს და მიიღებს ინფორმაციას მოსახლეობის საჭიროებების შესახებ.
ჭუბერში სტიქია ისევ მძვინვარებს. როგორც ადგილობრივები აცხადებენ, თემი მოწყვეტილია გარესამყაროს.
ზუგდიდი-ჭუბერი მესტიის ცენტრალური გზა პარალიზებულია, დატბორილია საცხოვრებელი სახლების პირველი სართულები, განადგურებულია საყოფაცხოვრობო ნივთები, წაღებულია ხიდები.
გუშინ ჭუბერიდან მოსახლეობის ევაკუაცია განხორციელდა.
მესტიის მუნიციპალიტეტში, ჭუბერის თემში მდინარე ნენსკრაზე მოვარდნილი ღვარცოფის გამო სოფლები დევრა, კავრი, ზგურიში, ტიტა ცენტრს მოწყვეტილები არიან.
